Գյումրիում նոր դիահերձարան կառուցելու կառավարության որոշումը մեծ աղմուկ է բարձրացրել քաղաքում: Բանն այն է` բնակիչները դեմ են, որ սարսափազդու այդ հիմնարկը իրենց քթի տակ խցկեն, մեռելներին էլ իրենց դռներով բերեն ու տանեն:
Օրինակ` որոշված էր դիահերձարանը կառուցել Արյան փոխներարկման կայանի նախկին վթարային շենքում` Սավոյան փողոցում: Սակայն բնակիչները 3-4 ամիս շարունակ բողոքեցին , նամակներ հղեցին երկրի ղեկավարությանը, որից հետո վերջնականապես դադարեցվեց այստեղ կառուցելու մտադրությունը:
Այժմ մարզպետարանի պաշտոնյաները դարձյալ փնտրտուքների մեջ են, թե որտեղ կառուցեն դիահերձարանը, որպեսզի բնակիչները չբողոքեն: Aravot.am-ի հետ զրույցում Շիրակի մարզպետարանի առողջապահության վարչության պետ Հովհաննես Հովհաննիսյանը (լուսանկարում) տեղեկացրեց, որ քննարկվում է դիահերձարանը Գյումրու նորակառույց բժշկական կենտրոնի հյուսիս-արևելյան մասում կառուցելու հարցը, սա ազատ տարածք է: «Գյումրիում պաթոլոգո-անատոմիական լաբորատորիա կառուցելը դարձել է զավեշտի առարկա, քաղաքացիական հասարակությունը հազար ու մի հարց թողած` քաղաքական, էկոլոգիական խնդիրներով զբաղվելու փոխարեն ընկել է դիակների հետևից: Հիմա քննարկվում է հիվանդանոցի հյուսիս-արևելյան հատվածում կառուցելու հարցը, ազատ տարածք է, թեև մի քանի դոմիկ կա էնտեղ ու երաշխիք չունես, թե էս մարդիկ էլ կոալիցիա չեն կազմի ու չեն ելնի բողոքի մեռելների դեմ: Որտեղ ուզում ես դիահերձարանը հիմնես, կրակն ես ընկնում, գյումրեցիները մոռացել են` ինչքան որ սիրում են ճոխ ապրել, նույն ճոխությամբ էլ մեռելներին են թաղում: Մեկին հարցնում են ` ո՞ր հասցեում է քո մեռելը, պատասխանում է` ես իմ մեռելը երկու տեղ եմ դրել: Հիմա՞ ինչ եղավ, սաղ քաղաքով դիակների հետևից են ընկել, մոռացել են, որ բոլորիս անունը մահկանացու է, բոլորս ապագա մեռելներ ենք, մարդու կյանքը թիթեռնիկի կյանք ունի, էսօր կա, վաղը հանգուցյալ է: Կենդանի մարդկանցից պիտի վախենալ, ոչ թե մեռելներից, խեղճուկրակ մեռելներից վախենում են որ ի՞նչ, մեռելը անուժ է, դրա համար են նրան ցավակցում: Մեր գյուղի` Հառիճի գերեզմանը միջնադարյան գերեզմանոց է, այնտեղ մի շատ իմաստուն խոսք կա գրված.
Գիտուն լինես,
Կարդացեք նաև
Անգետ լինես,
Հողի համար նույն գինն ունես:
Հիմա ի՞նչ անենք, սաղ քաղաքը բողոքում է, համաձայն չէ, որ իրենց դռներով անցկացնենք գյումրեցի դիակներին, թուրքերը հաստատ համաձայն են, հեռավորությունն էլ էդքան մեծ չէ`15-20 կիլոմետր է, երևի չալարենք, մեր դիակներին տանենք, էնտեղ հասցնենք», -կատակեց մարզպետարանի պաշտոնյան:
Նունե ԱՐԵՎՇԱՏՅԱՆ
Էս մարդը էլ ինչքան հարցազրույց տա իրանց գյուղի էդ մի արտահայտությունը պիտի կրկնի, ուրիշ բան՝ ոլորտից ինչ գիտի?, սաղ բժիշկները ոտք առել կերթան, ինքը հող ու մողից կխոսա, քանի մարդ է կվալիֆիկացիա բարձրացրել ?, ոչ ոք