«Մենք չենք ունեցել կաթողիկոս-թագավոր: Կրոնավորը եղել է միշտ իր տեղում, երազ ունենալով տեսնել անկախ պետություն: Եթե պատմականորեն վերցնենք, իմաստուն մեր հոգեւորականները միշտ կանգնած են եղել հայոց պետականության կողքը»,-այսօր Հայաստանի կայացման գործում եկեղեցու դերի ու նշանակության մասին նշեց Սուրբ Սարգիս եկեղեցու հոգևոր հովիվ Տեր Շահե քահանա Հայրապետյանը:
Նրա խոսքով, արցախյան պատերազմի ժամանակ հայ կրոնավորը կանգնած է եղել զինվորի կողքին, Քրիստոսի սիրով է, որ մենք հայրենիքի պաշտպան ենք եղել, այս ամբողջը մի ժառանգություն է.
«Որպես եկեղեցի, վրիպման շրջաններ ենք ունեցել, սակայն պետությունը միշտ կանգնած է եղել մեր կողքին: Եկեղեցին այսօր փորձում է շնչել, մեր կրոնավորները ծույլ չեն՝ բանակում են ծառայում, բանտում են եւ ուրախության եւ տխրության պահերին»:
Ինչ վերաբերում է կրոնական գրականությանը, քահանան նշեց, որ այսօր երիտասարդ սերունդն ակտիվ դաշտի կողմնակիցն է, այսինքն՝ համացանցի, իսկ պասիվ դաշտը՝ տպագիր գրականության: Մայր Աթոռ Սուրբ Էջմիածինը գրախանութներ է բացում, բայց ընթերցողներ չկան, քիչ են:
Կարդացեք նաև
Անժելա ՇԱՀՈՒՄՅԱՆ
