Aravot.am-ը զրուցեց «ԺՈՒԿ» կուսակցության անդամ Վիգեն Դավթյանի հետ, ով երեկ երեկոյան Շիրակ հանրախանութի մոտ ծեծի էր ենթարկվել՝ Րաֆֆի Հովհաննիսյանի հանրահավաքի թռուցիկները բաժանելիս:
Նա հազիվ էր կարողանում խոսել. «Ես գնացի ժողովրդի մոտ կանգնեցի, տարիքով մարդիկ էին նստած, մեկը նարդի էր խաղում, զբաղվում էին, ասեցի մոտենամ, թռուցիկներից տամ: Մի երիտասարդ մոտեցավ, իր թաղն էր, ասեց՝ էդ ո՞ւմ ն ա, ասի՝ Րաֆֆի Հովհաննիսյանի, վաղը չէ մյուս օրը հավաքն է, տարածում ենք: Էդ պահին էդ տղան հայհոյեց Րաֆֆի Հովհաննիսյանին, ինձ ձեռիցս քաշեց, թե բա հելի … ստեղից: Թղթերս էդ պահին ընկան, ուզեցա վերցնել, դողում էի ես, ինքը առիթավորվեց: Դուխը հելել, իրան ուտում էր: Իրանք շատվոր էին, ես՝ մենակ: Ուզում էի գնալ, մտադիր չէի կռվել, հետո սկսեց խփել ինձ ու ոչ ոք չխառնվեց: Ինձ հայհոյում էին, ես իրենց պատասխանեցի ու ըտեղից բռնկվեց, բռնկվե՜ց, ինձ ծեծեցին: Հարվածում էին կրծքավանդակիս, գլխիս»:
Վիգեն Դավթյանը երկրորդ կարգի հաշմանդամ է, էպիլեպսիա ունի եւ գլխի հարվածներից ընկել է նոպայի մեջ: Հիվանդությունը սրվել է: Նա պատմեց, որ սուր ցավեր ունի. «Երբ ընկած էի գետնին, քացով հարվածեցին գլխիս, աչքիս կոպն է վատ վիճակում: Ես արդեն 15 տարի է՝ էպիլեպսիա հիվանդության մեջ եմ: Հիմա գլխիս հարվածներից հետո ցնցումներս կշարունակվեն ավելի դաժան կերպով»:
Վիգեն Դավթյանը պատմեց, որ սկզբում իրեն ծեծում էին 2 հոգով, հետո ավելացել են. «Ես մոլորված վիճակում էի, ոչինչ չէի պատկերացնում»:
Կարդացեք նաև
Ծեծի ենթարկվելուց հետո, երբ երիտասարդները մի փոքր հեռացել են, Վիգեն Դավթյանը զանգել է ոստիկանություն: Նա բացատրություն է գրել եւ հույս ունի, որ ոստիկաններն անպայման մեղավորներին կպատժեն: Մինչ ոստիկանները դեպքի վայր են եկել, ծեծողները տարածքից արագ անհետացել են:
Հռիփսիմե ՋԵԲԵՋՅԱՆ
Վիգեն ջան, որ լեզուտ մեկ մեկ ատամներիտ տակ պահես ծեծ չես ուտի: Լեզվիտ պատճառով ամիսը մեկ անգամ ծեծես ուտում…