Իր եւ Րաֆֆի Հովհաննիսյանի համատեղ անցկացվող հանրահավաքի մասին այսօր «Պոստ սկրիպտում» ակումբում ԱԻՄ նախագահ Պարույր Հայրիկյանն ասաց, որ դեռ հարցեր կան ճշտելու: «Րաֆֆի Հովհաննիսյանի օգնականները տեղեկացրել էին, որ երեք ելույթ է լինելու յուրաքանչյուրը տասը րոպե տեւողությամբ, հնարավոր է լրացուցիչ ելույթներ էլ լինեն: Բայց ո՞վ է որոշել, որ ես տասը րոպե պետք է խոսեմ»,- ասաց Պարույր Հայրիկյանը, որը ժողովրդին ասելու շատ բան ունի, մասնավորապես այն, թե որտեղից է գալիս սահմանադրական բարեփոխումները, բացի այդ, ըստ նրա պետք է հասարակությանը ծանոթացնել, թե ինչ բան է Եվրոպան…
Պատասխանելով հարցին, թե Մաքսային միություն մտնելով Հայաստանը կորցնո՞ւմ է անկախությունը, Պարույր Հայրիկյանը նշեց. «Սերժ Սարգսյանի այդ հայտարարությամբ չէ, որ Հայաստանը կորցրեց իր անկախությունը: Անկախության կորուստը գույք պարտքի դիմաց գործարքից է սկսել: Համաշխարհային բանկը փորձել էր ուսումնասիրել, վերլուծել, որ այլ երկրներում էլ կիրառեր, հետո հասկացել էր, որ դա ապուշություն է, որ արեց Հայաստանը»:
Եվա ՀԱԿՈԲՅԱՆ
