Սահմանադրական դատարանը երեկ քննության էր առել «Հելսինկյան քաղաքացիական ասամբլեա» Վանաձորի գրասենյակի դիմումը: Հասարակական իրավապաշտպան կազմակերպությունը վիճարկում էր ՀՀ քաղաքացիական դատավարության օրենսգրքի 204.38 հոդվածի սահմանադրությանը համապատասխանելու հարցը:
Զեկուցողն էր ՍԴ անդամ Կիմ Բալայանը, իսկ դիմումատու կողմը ներկայացնում էին Արտակ Զեյնալյանն ու Արա Ղազարյանը:
Արա Ղազարյանը երեկ գրավոր էր ուղարկել իր փաստարկները, եւ չի մասնակցել նիստին:
Վիճարկվել է նոր վերադաս դատարան դիմելու համար նոր երեւան եկած հանգամանքների «թույլատրելիության» սահմանափակման հարցը:
Կարդացեք նաև
Ըստ հիշյալ օրենքի հիշյալ հոդվածի. «Եթե սույն բաժնով նախատեսված չեն հատուկ կանոններ, ապա նոր երևան եկած կամ նոր հանգամանքներով դատական ակտի վերանայման վարույթի վրա տարածվում են սույն օրենսգրքի ընդհանուր կանոնները:
2. Այդ վարույթի արդյունքում կայացված դատական ակտում դատարանը կարող է չփոփոխել վերանայված դատական ակտի եզրափակիչ մասը, միայն եթե ծանրակշիռ փաստարկների մատնանշմամբ հիմնավորում է, որ սույն օրենսգրքի 204.32 կամ 204.33 հոդվածով նախատեսված հանգամանքներն, ըստ էության, չէին կարող ազդել գործի ելքի վրա:
3. Վերաքննիչ դատարանի դատական ակտն օրենքով սահմանված ընդհանուր կարգով կարող է բողոքարկվել վճռաբեկ դատարան»:
Սահմանադրական դատարանը գտավ, որ հիշյալ հոդվածը համապատասխանում է սահմանադրությանը, սակայն չի կիրառվում:
Խոսքն այն մասին է, որ նոր երեւան եկած հանգամանք է համարվում կամ ՄԻԵԴ որոշումը կամ ՍԴ որոշումը:Սակայն վճռաբեկ դատարանը անհիմն վերադարձնում է դիմումը, նոր երեւան հանգամանքների մասով, չպատճառաբանելով դա:
Սահմանադրական դատարանի որոշումը վաղն է տեղադրվելու պաշտոնական կայքէջում:
