Թե ինչու են ՀՀՇ-ականներն անցել ընդհատակ, որտեղ են նրանք, երբ են վերածնվելու, ինչն է խոչընդոտում վերածննդին, փորձեցինք պարզել Հովհաննես Իգիթյանից։ «Կան տեխնիկական խնդիրներ, որոնք շատ լուծելի են, եւ նաեւ կա քաղաքական իրավիճակ, որտեղ մենք հիմա խորհրդակցում ենք մեր, այսպես ասած, կոլեգա կուսակցությունների հետ, եւ այդ իսկ պատճառով մի քիչ հետաձգվեց։ Իհարկե, մենք երկու ամիս առաջ հայտարարել ենք, որ համագումարը կլինի աշնանը, բայց որոշեցինք, որ դա հետաձգվի»։
Թե կոնկրետ ինչ խնդիրների մասին է խոսքը, Իգիթյանը չցանկացավ մանրամասնել, չհամաձայնեց նաեւ ընդհատակ անցնելու մասին մեր դիտարկմանը՝ ՀՀՇ-ականներն ակտիվորեն արտահայտել են իրենց անհատական տեսակետները։
Իսկ կուսակցական աշխատանքներ իրականացվե՞լ են, եւ որքա՞ն մարդ է ցանկություն հայտնել անդամագրվելու ՀՀՇ-ին հարցին Իգիթյանն այսպես պատասխանեց. «Օրենքը պահանջում է 200 հոգի, եւ մենք կարող ենք ասել, որ այդ 200 հոգին կան, բայց մենք նպատակ չենք դրել զուտ տեխնիկական ձեւով, որ անհրաժեշտ է 200 հոգի, անհրաժեշտ է ժողով, անհրաժեշտ է այս ժողովի արձանագրությունը տալ արդարադատության նախարարությանը։ Մինչդեռ այն գործունեությունը, որը սովորաբար կուսակցությունները ծավալում են, մենք էլ ենք իրականացնում՝ հանդիպումներ, հայտարարություններ այս կամ այն ձեւով կան նախաձեռնող անդամների կողմից, բայց կարող եմ ասել, որ քաղաքական կուսակցությունների ընտանիք ֆորմալ մուտքը մի քիչ հետաձգված է»:
Լուսինե ՇԱՀՎԵՐԴՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
