Մաքսային միության ներսում արտադրողների նկատմամբ խտրականություններ են տեղի ունենում: Ասվում է «Da Vinci AG» վերլուծական խմբի զեկույցում, գրում է «Ռոսբալտ» լրատվականը:
Ըստ փորձագետների, իրավիճակը սրվել է ՄՄ-ի գյուղատնտեսական մեքենաշինության շուկայում, որտեղ բելառուսական արտադրողները գրեթե դուրս են մղել ռուսական գործարանները և արգելափակում են բարձր որակի արտաքին սարքավորումների սակագների նվազեցման որոշումը. «Ռուսական ընկերությունների առաջարկները խտրականությամբ մերժվում են մրցույթի էտապում կամ մնում են չպահանջված բելառուսական կողմի համար՝ «սարքավորումների պահանջարկի բացակայության» պատճառաբանությամբ: Ռուս մեքենաշինարարները բախվել են Միասնական տնտեսական տարածքի շրջանակներում գործող պետական և քաղաքային գնումների համաձայնագրի հիմնարար սկզբունքների խախտումներին և մրցույթներին մասնակցելու բելառուսական կողմի չկամությանը», – ասվում է «Da Vinci AG»-ի զեկույցում՝ նշելով, որ արդյունքում այս տարի փակման մասին հայտարարել են Կրասնոյարսկի կոմբայնի և «Լեսելմաշ» (Կրասնոդար) գործարանները, որի պատճառով կրճատվել է ավելի քան 1000 աշխատատեղ:
Բացի այդ, նշվում է, որ Եվրասիական տնտեսական հանձնաժողովը մերժել է Ղազախստանին այս երկիր մաքսային հին սակագներով կոմբայն ներմուծելու հատուկ քվոտա սահմանել՝ պատճառաբանելով, որ այդ որոշումը ցորեն կալսող կոմբայնների արտահանման սակագնային քվոտաներ սահմանելու համար նպատակահարմար չէ: Փորձագետները պնդում են, որ նմանատիպ խտրականություններ գոյություն ունեն նաև այլ ոլորտներում:
Զեկույցում ասվում է նաև, որ Ռուսաստանում համազգեստներ արտադրելու համար գործվածքների ձեռքբերումը սահմանափակելու փորձեն են եղել, իսկ Բելառուսում նմանատիպ դեպքեր եղել են պետական պատվերով շինարարության ոլորտում: Ըստ Ղազախստանի բիզնեսի ներկայացուցիչների, սննդի վերամշակմամբ զբաղվող որոշ ձեռնարկություններ ռուսական շուկա մտնելու հնարավորություն չունեն, քանի որ կիրառվում են ոչ սակագնային կարգավորման միջոցներ:
Կարդացեք նաև
Պատրաստեց Հովհաննես ԻՇԽԱՆՅԱՆԸ
