Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Գագիկ Պողոսյանը հետաձգեց ԱԻՄ առաջնորդ, քաղաքական գործիչ Պարույր Հայրիկյանի դեմ այս տարվա հունվարի 31-ի մահափորձի գործով դատական նիստը:
Դատարանին էր դիմել ամբաստանյալ Վարդան Սեդրակյանի պաշտպանը՝ ՀՀ փաստաբանների պալատի անդամ Ալեքսանդր Սիրունյանը: Նա հայտնել էր, որ չի կարող մասնակցել դատական նիստին, քանի որ աներոջ թաղմանն է մասնակցում:
Դատավարության կողմերը չառարկեցին, որ նիստը հետաձգվի:
Այն տեղի կունենա վաղը:
Կարդացեք նաև
Հիշեցնենք, որ դատական վիճաբանությունների փուլն է, պաշտպանական ճառով հանդես պիտի գա Սամվել Հարությունյանի պաշտպանը՝ ՀՀ փաստաբանների պալատի անդամ Գայանե Գալոյանը, եւ վերջին խոսքով էլ՝ Վարդան Սեդրակյանը:
Ռուզան ՄԻՆԱՍՅԱՆ
