Այսօր «Հայացք» ակումբում ՀԱԿ խմբակցության պատգամավոր Հրանտ Բագրատյանը խոսելով Մաքսային միության մասին՝ վստահեցրեց, որ ինքը ասելու է ամեն ինչ, մյուս քաղաքական գործիչների նման բլեֆ չի անելու, որոնք չեն ուզում իրենց հարաբերությունները փչացնել ոչ ՌԴ-ի, ոչ Եվրոպայի հետ եւ կոնկրետ չեն ասում, թե որն է ճիշտը:
Aravot.am-ի հարցին՝ ՀԱԿ առաջնորդ Լեւոն Տեր-Պետրոսյանը, վերլուծություն կատարելով՝ նույնպես բաց չասաց, թե որն է լավ, նա է՞լ էր բլեֆ անում՝ Հրանտ Բագրատյանը պատասխանեց. «Ես չեմ մեկնաբանում ուրիշ քաղաքական գործչի: Ես տեղյակ եմ Տեր-Պետրոսյանն ինչ է ասել, նա իմ նման չի անդրադարձել: Ես ասում եմ՝ եթե հիմա գնում ենք Մաքսային միություն, ապա հստակորեն ասում եմ, որ սկզբնական շրջանում դժվար է ակնկալել դրական երեւույթներ՝ տնտեսության մեջ: Եթե Լեւոն Տեր-Պետրոսյանն այդպիսի բան ասել է՝ ես չգիտեմ:
Մաքսային միություն մտնելով՝ Հայաստանում ժողովրդավարությունը կուժեղանա, որովհետեւ կոնկրետ Հայաստանի նկատմամբ կլինի հատուկ վերաբերմունք: Հայերը բանուգործ չունեն, սիրում են քաղաքականությամբ զբաղվել, թող զբաղվեն անընդհատ: Մաքսային միության անդամ դառնալով՝ մենք մեզանից միեւնույն է, վտանգ չենք ներկայացնում: Մաքսային միության համար ինտենսիվ աշխատանք է պետք, որին այս իշխանությունները պատրաստ չեն: Իրենք չեն կարող վերլուծել, եթե վերլուծեին, փետրվարին կհասկանային, որ Բագրատյանը ճիշտ է ասում»:
Նա վստահեցեց, որ Եվրոպան երբեք Հայաստանին չի պատժի. «Դա անիմաստ է, Եվրոպային դա օգուտ չի տա»:
Կարդացեք նաև
Ըստ պարոն Բագրատյանի, Հայաստանը դավաճանեց ՌԴ-ին՝ Ասոցացման համաձայնագրի շուրջ բանակցություններ վարելով. «Հայկական դավաճանությունը մեծ հետք թողեց, Ռուսաստանին դա դուր չեկավ: Իրենք ասեցին՝ մենք ձեր համբալը չենք, որ գանք ձեր սահմանները պահենք, դուք գնաք Եվրոպա՝ հաճույքների: Ամսի 3-ին, երբ Սերժ Սարգսյանը ստորագրել է՝ արդեն ստիպված էր, չէր կարող անտեսել այդ պահանջը»:
Հարցին՝ ի՞նչ կլիներ, եթե Հայաստանն ասեր ստորագրելու ենք՝ Հրանտ Բագրատյանը պատասխանեց. «Մոսկվան ասելու էր, այ ընկեր, ես ինչո՞ւ պետք է ֆինանսավորեմ քո անվտանգությունը՝ տալով քեզ զենք, ես հո քո հիմարը չեմ, դուք կանեի՞ք»:
Հռիփսիմե ՋԵԲԵՋՅԱՆ
Հայաստանը ստորագրեր ԵՄ-ն Ասոցացման պայմանագիրը, որ ի՞նչ անի:
Այսօր, և վաղը, և մյուս օրը Հայաստանը մինչև ականջները կեխտի մեջ խրված՝, բացի բաժակաճառերից, ուզունդարա պարերից, խարդավանքի խաղերից, միլիարդավոր պարտքերից,
իչո՞վ կարող էր իր եվրոեղբայրներին զարմացնել: Իսկ այստեղ Մարքսային Միությանը զարմացնելու
կարիք չկա, քանի որ այս արտագաղթի տեմպերով ևս 10 տարի և Մարքսային Միության կարիքն էլ չի
լինի: Այնպես որ այս հանցագործ, թալանչի, ապուշներին պետք է հասկացնել, որ գոնե իրենց թալանը շարունակելու համար, երկրում գոնե ինչ որ բան պիտի լինի՞ թե՛ ոչ: Պարտքատերերն էլ մի օր կդաթարեն պարտք տալուց, հետո ի՞նչ եք անելու: Միակ հույսը կմնա այն, որ մինչ այդ ռեալ
հայտնվեն այլմոլորակայինները և պարզվի որ մեր ազգակիցներն են՝, ասենք թե՛ Տիգրան մեծի ժամանակով արտագաղթել են ,,Խոսքը դիվերսիֆիկացիայի նոր մեթոդների մասնագետ, մեծ օֆշորագետ Տիկոյի մասին չէ,, և սկսենք նրանցից պարտքեր անել: Բայց որքանով արդարեցված կլինի այդ հույսվ ապրել, դժվար է ասել: Ավելի լավ է այսօր մի քիչ մեր երկրի մասին մտածենք: