ՀՅԴ բյուրոյի ներկայացուցիչ Հրանտ Մարգարյանը հայտարարել էր, որ վարչապետ Տիգրան Սարգսյանը պատերազմ է հայտարարել ՀՅԴ-ին՝ կեղտոտ բամբասանքներ պատվիրելով: Այսօր Aravot.am-ը ՀՅԴ պատգամավոր Արծվիկ Մինասյանից հետաքրքրվեց՝ այդ պատերազմն ավարտվե՞ց, թե՞ չէ: Նա պատասխանեց. «Պատերազմը ոնց որ թե չսկսված ավարտվեց: Վարչապետն իր ելույթով, մեկնաբանություններով հերքեց այն, ինչ նախապես ասվել էր: Եթե մարդը հերքում է, ի՞նչ պատասխանեինք»:
Մեր հարցին՝ փաստորեն իր անունը հանիրավի՞ եք տվել, զրպարտե՞լ եք վարչապետին՝ Արծվիկ Մինասյանը պատասխանեց. «Չէ, հանիրավի չենք տվել: Խոսքը հետեւյալի մասին է՝ հրապարակումները, որոնք վարչապետի անունից կատարվում էին, հետո ինքը հերքեց, ասեց, որ դրանց հետ կապ չունի»:
Մեր դիտարկմանը, որ վարչապետը հերքում է նաեւ օֆշորային սկանդալի հետ իր կապը, հավատո՞ւմ եք՝ նա պատասխանեց. «Եթե հերքեց, ասեց, որ կապ չունի եւ նման արտահայտություն ինքը չի արել, մենք ոչ թե իր անունը հանիրավի ենք տվել, այլ մենք համոզված էինք, որ դրա հետեւում ինքն է կանգնած: Հիմա, եթե ինքը հերքում է՝ լավ, ապագայում կերեւա: Եթե շարունակվի նման բան՝ կտեսնենք»:
Կարդացեք նաև
Հռիփսիմե ՋԵԲԵՋՅԱՆ
ոնց որ շուն կռվցնող լինեք :))