«Մենք կոչ ենք անում և պահանջում դադարեցնել երկրի ապակայունացման պլանավորված գործընթացը, մի կողմ քաշվել ու թողնել, որ երկիրը գնա զարգացման միակ ճշմարիտ ընտրած ուղով: Այս պահին Հայաստանին ամենաքիչը գրանտակերների հեղափոխությունն է անհրաժեշտ»,- ասված է Narod.am կայքի «Իրականում ո՞վ է Կարո Եղնուկյանը եւ ի՞նչ է ուզում» հրապարակման մեջ: Անդրադարձ կա նաեւ «Ազատագրենք հուշարձանն օլիգարխից» հասարակական շարժման նախաձեռնող խմբի անդամ Կարո Եղնուկյանին, նրա ծնողներին, անձնական կյանքին:
«Ով որ գրել է այդ հոդվածը՝ ուղղորդված է Սամվել Ալեքսանյանի եւ իր աջակիցների կողմից եւ ես չեմ էլ համարում, որ դրան պատասխանելու կարիք կա,- «Առավոտին» այս առնչությամբ ասաց Կարո Եղնուկյանը:- Մենք խոսում ենք օրենքից՝ նրանք խոսում են ուրիշ բաներից, մենք խոսում ենք անօրինականություններից՝ նրանք ասում են, որ ես մասոն եմ, մենք ասում ենք, որ իրենց արածներն անօրինական են՝ նրանք ասում են, որ մենք վարձու ենք, ուղղորդված ենք, լրտես ենք: Իրենք չեն պատասխանում իրենց դեմ դրված մեղադրանքին ու փորձում են ասել, որ աչքիս վրա հոնք կա: Հա կա, հետո՞ ինչ: Քո աչքի վրա էլ կա:
Եվ ի վերջո այդ խոսքերը, գրանտակերներ եւ այլն՝ շահարկված խոսքեր են, իհարկե, նրանք դեռ պատասխան են տալու զրպարտությունների համար, բայց ես ուզում եմ ձեր ուշադրությունը հրավիրել այն փաստին, որ մենք խոսում ենք անօրինականությունների մասին, իսկ նրանք՝ բամբասանքի, ինչն էլ արվում է, որ հանրության ուշադրությունը կարեւոր հարցից շեղվի:
Ուզում են ինձ բոբո դարձնել ու այս խմբին միացրել են նաեւ Գարեգին Չուգասզյանին, վաղը՝ մեկ ուրիշին էլ կավելացնեն»:
Կարդացեք նաև
Եվա ՀԱԿՈԲՅԱՆ
Լուսանկարը՝ https://narod.am-ի
Պատասխան են տալու ոչ միայն զրպարտանքների համար, այլ նաև հոկտեմբերի 27-ի, մարտի 1-ի,
այլ սպանությունների, բյուջեն թալանելու և այլ՝ բորենիական վարքի համար: