«Ժառանգություն» կուսակցության առաջնորդ Րաֆֆի Հովհաննիսյանը նոր է վերադարձել Արեւմտյան Հայաստանից, բայց մինչ այդ, ամառվա ընթացքում շրջագայել Հայաստանի մարզերով, հանդիպել մարդկանց «փոքր-փոքր խմբերի» հետ:
Այդ հանդիպումների ընթացքում պարոն Հովհաննիսյանին մարդիկ անընդհատ հարցրել են, լավ բա ե՞րբ եք սրանց (իշխանություններին-Մ.Բ.) քշելու, կամ էլ «ուրիշ բան էին ասում, վերացնել բառի հոմանիշներն էին ասում»:
Այս մասին այսօր «Փաստարկ» ակումբում կայացած ասուլիսում պատմեց Րաֆֆի Հովհաննիսյանը, նկատելով, որ բավական չէր, որ օրենքից դուրս գտնվող այս իշխանությունը ավիրեց քաղաքական դաշտը՝ թալան, օֆշոր, շահերի բախման իրավիճակում գտնվող պաշտոնյաներ, եւ այլն, նաեւ արտաքին ճակատում է սկսել «մերթ մեր ազգային շահը ենթարկել փորձարարական առաջարկների»՝ հայ-թուրքական արձանագրություններ, մադրիդյան սկզբունքներ, հիմա էլ՝ «մեր ազգային ինքնությունը դնում է նժարի վրա եւ միանձնյա հայտարարում, որ միանում ենք այս կամ այն միությանը»:
Անընդունելի որակելով այս ամենը՝ «Ժառանգության» առաջնորդը նկատեց, որ ինչպես Ռուսաստանը, այնպես էլ Եվրոպան հեգնել են մեր ժողովրդի շահերը, աչք են փակել մեր երկրում չկայացող ժողովրդավարության, սահմանադրական իրավունքի ոտնահարման, իշխանության ապօրինի զավթման վրա:
Կարդացեք նաև
Մելանյա ԲԱՐՍԵՂՅԱՆ
