Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Մխիթար Պապոյանն այսօր հետաձգեց «Բանդայի գործով» դատական նիստը, քանի որ ամբաստանյալ Քյարամ Ամոյանի պաշտպանը՝ ՀՀ փաստաբանների պալատի անդամ Սամվել Հովհաննիսյանը չէր ներկայացել: Նա տեղեկացրել էր դատարանին, որ մասնակցում է Մալաթիա-Սեբաստիա վարչական շրջանում մեկ այլ քրեական գործով նշանակված դատական նիստի:
Դատավորը տեղեկացրեց, որ սեպտեմբերի 17-ին ստացվել է այս գործով ամբաստանյալ, հանգուցյալ Արման Դալլաքյանի մոր դիմումը: Նա խնդրել էր դատարանին, որպեսզի որդու մասով չկարճվի քրեական գործը եւ արդարացման դատավճիռ կայացվի. «Որդիս սպանվել է, պետք է արդարացվի»:
Վաղը նշանակված դատական նիստին դատարանը քննարկելու է ամբաստանյալի նկատմամբ կիրառվելիք սանկցիայի մասին հարցը: Նախորդ դատական նիստին ամբաստանյալների ինքնավնասումների հետ կապված կկիրառվի կամ նախազգուշացում, կամ ամբաստանյալներին թույլ չի տրվի մասնակցել դատական նիստերին:
Ռուզան ՄԻՆԱՍՅԱՆ
