Արդեն ավարտվել են ռեժիսոր Գոռ Կիրակոսյանի «Քայլ ձիով 2013» գեղարվեստական ֆիլմի նկարահանումները, հոկտեմբերի 17-ից այն ղազախական կինոթատրոններում էկրան կբարձրանա: Ներկայացնում ենք ֆիլմի գլխավոր հերոս Հովհաննես Ազոյանի հետ «Sharmblog»-ի հարցազրույցից հատված:
– Առաջին անգամ եք աշխատում Գոռ Կիրակոսյանի հետ, ի՞նչ տպավորություններ ունեք:
– Գոռը մեծ պրոֆեսիոնալ է՝ ճշտապահ ու բավականին խիստ:
Ես ընդհանրապես հիացած եմ ստեղծագործական թիմի աշխատանքով, հատկապես օպերատորի՝ Ֆիլիպ Վանդևալի և երկրորդ ռեժիսոր՝ Իլյա Ֆարֆելի տաղանդով:
– Կբացահայտե՞ք գլխավոր դերեր ստանալու Ձեր ոդիսականը: Երկրորդական դեր խաղալու երազանքը կարծես թե այս անգամ նույնպես մնաց անկատար:
Կարդացեք նաև
– Ես շատ եմ սիրում երկրորդական, էպիզոդիկ դերեր, բայց, այո, այս անգամ էլ չստացվեց: Գլխավոր դեր խաղալը շատ ծանր ու տանջալի գործ է: Հիմնական բարդությունն այն է, որ ֆիլմի սյուժետային գիծը քո մեջքի վրա պիտի տանես:
– Ինչպե՞ս է ստացվում համագործակցությունը գլխավոր հերոսուհու՝ ղազախ դերասանուհի Ասել Սագատովայի հետ:
– Շատ լավ դերասանուհի է, ինձ դուր է գալիս: Կադրում շատ օրգանիկ է, և մեր խաղը ստացվում է: Իսկապես խաղում ենք, ոչ թե «զուբրիտ արած» տեքստեր ասում:
– Նախորդ ֆիլմերում Ձեր հերոսը կանանց հարցում այնքան էլ հաջողակ չէր, ի՞նչ իրավիճակ է այս անգամ:
– Այստեղ հաջողակ է: Այս անգամ ինքնավստահ տղամարդու կերպար եմ խաղում: Աղջկա հետ հարաբերությունները Ղազախստանից Ղարաբաղ ճանապարհին վերածվում է ընկերության, այսինքն ոչ թե սիրահարվում ենք, այլ ընկերանում:
Շարունակությունը այստեղ.
