Թուրքիայի Խոջաելի քաղաքում այսօր մեկնարկում է շախմատի մինչեւ 20 տարեկան տղաների եւ աղջիկների աշխարհի առաջնությունը:
Տղաների պայքարին մասնակցում է 118, իսկ աղջիկների մրցակցությանը` 77 շախմատիստ: Հայաստանն աշխարհի առաջնությունում ներկայացված է երեք մասնակցով` գրոսմայստեր Սամվել Տեր-Սահակյան, միջազգային վարպետ Վահե Բաղդասարյան եւ կանանց ՖԻԴԵ-ի վարպետ Մարիա Գեւորգյան:
Վիճակահանությամբ այսօր մեր բոլոր շախմատիստներն էլ մեկնարկային տուրում խաղում են սեւերով.Սամվել Տեր-Սահակյանը` Ինդոնեզիայի ներկայացուցիչ Լուտֆի Ալի Մոհամմադի, Վահե Բաղդասարյանը` ՀԱՀ-ից Գրեգ Բորհնեյմի, Մարիա Գեւորգյանը` թուրք Բուսրա Սոյդանի հետ:
Աշոտ ՀԱԿՈԲՅԱՆ
