«Ինչպես երկրում է ամեն ինչ ծայրահեղ, որ կան գերհարուստներ ու աղքատներ, նույնն էլ ազատամարտիկների մոտ է. այնտեղ էլ կան օլիգարխներ, իսկ մեծ մասը աղքատության շեմին է, բայց այս ամենը չի կարող մարսվել: Շատերն են ոտքի կանգնել, ձնագունդը գնալով մեծանում է, իսկ հեղափոխությունները միշտ էլ ծագել են ծայրահեղ բեւեռացման արդյունքում»,- այսօր ասաց «Ժողովրդավարական հայրենիք» կուսակցության նախագահ, ՀԱԿ ներկայացուցիչ Պետրոս Մակեյանը:
Մակեյանի խոսքով`թացը չորի հետ խառվել է, ու իրական ազատամարտիկներն այսօր ծայրահեղ վիճակում են ապրում, բայց`«թող հանեն ցուցակներն ու տեսնեն, թե ով ով է: Ամիսը մեկ վարչապետը ինչ-որ թատրոն է անում, կանչում մարդկանց, ՊՆ նախարարն է նրանց լսում, բայց հարցը չի լուծվում…»,-հավելեց նա:
ՀՀԿ պատգամավոր Մկրտիչ Մինասյանն էլ ասաց, թե բարձրացված հարցերի մեծ մասը սոցիալական է, եւ կառավարությունը պարտավոր է միջոցներ ձեռնարկել ազատամարտիկների հարցեր լուծելու համար, քանի որ նրանք արժանի են:
Եվա ՀԱԿՈԲՅԱՆ
