«Աշխարհի տարբեր երկրներում ԱՄՆ-ում, Մեքսիկայում, Ռուսաստանում նշում են ծրագրավորողների օրը: Նշելու ենք տոնը IT գործիքների մասնակցությամբ: Մեր երկրում IT-ին համարվում է գերակա ճյուղ, ցանկալի է ինչպես ուսուցիչների եւ ոստիկանների տոնն են նշում, այնպես էլ մեր օրը նշեն»,-այսօր լրագրողների հետ հանդիպման ժամանակ ծրագրավորողների միջազգային օրվա մասին նշեց X-TECH-ընկերության հիմնադիր, տնօրեն Արման Աթոյանը:
Սեպտեմբերի 13-ը ծրագրավորողների միջազգային տոնն է: Բանախոսի պնդմամբ՝ ծրագրավորողների ոլորտը բավականին առաջընթաց է գրանցում, իսկ Հայաստանը համագործակցում է տարբեր երկրների հետ:
Shahumyan Media հիմնադիր, տնօրեն Արիկ Շահումյանի պնդմամբ՝ IT ոլորտից ուղեղների արտահոսք քիչ կա, քանի որ ոլորտը հասել է նոր բարձրունքների, ստանում են լավ աշխատավարձեր: Արտասահմանյան երկրներում բոլորն էլ կցանկանային աշխատել, ծրագրավորողներից մի մասը ձգտում է որակյալ աշխատավայրում աշխատել եւ ավելի բարձր աշխատավարձ ստանալ: Ծրագրավորողի պահանջարկը կա:
«Ինտերնետ հանրություն» ՀԿ-ի փոխնախագահ Գրիգորի Սաղյանի համոզմամբ 1953-54թթ.-ից սկսեց զարգանալ ծրագրավորողների խումբը: 2000 թ.-ից արձանագրվել է հզոր աճ: Նրանք աշխատում են տնից, ստանում են աշխատավարձ արտասահմանյան ընկերություններից, ընդհանուր մակարդակը առ այսօր պահպանվում է, մենք առաջատար տեղերն ենք գրավում տարածաշրջանում:
Իսկ ինչ վերաբերում է ուղեղների արտահոսքին պրն. Սաղյանը նշեց, որ օրինակ իրենց հիմնարկից գրեթե բոլորը հեռանում են: Ավելի հետաքրքիր է աշխատել առանց հարկ վճարելու:
Անժելա ՇԱՀՈՒՄՅԱՆ
