ԱՄՆ-ի Սենթ Լուիս քաղաքում ընթացող շախմատի «Sinquefield Cup 2013» գերմրցաշարի երրորդ տուրում Հայաստանի լավագույն շախմատիստ Լեւոն Արոնյանը սեւ խաղաքարերով միավորը բաժանեց ամերիկացի Գատա Կամսկու հետ՝ վերջինին այստեղ առաջին կես միավորը վաստակելու հնարավորություն տալով: Խաղասիրաբար բաժանվեցին նաեւ Մագնուս Կարլսենն ու Հիկարու Նակամուրան:
Չորս գրոսմայստերների մասնակցությամբ մրցաշարի առաջին շրջանն ավարտվեց: Միանձնյա առաջատարը Նակամուրան է՝ 2,5 միավորով: Նրան հաջորդում են Կարլսենը՝ 2,0, Արոնյանը՝ 1,0, եւ Կամսկին՝ 0,5: Երկրորդ շրջանում մրցակիցները միմյանց հանդիպելու են հակառակ գույնի խաղաքարերով: Արոնյանն այս անգամ սպիտակներով հանդիպելու է Նակամուրայի հետ, Կամսկին՝ Կարլսենի:
Աշոտ ՀԱԿՈԲՅԱՆ
