Սույն քրեական գործը հարուցվելուց հետո, շուրջ 1 տարի առաջ 2012 թ.-ին համապատասխան քննչական հարցադրումներ են ուղարկվել Կիպրոս և Սիերա Լեոնե, նպատակ հետապնդելով պարզել օֆշորային և աֆրիկյան ընկերությունների գործունեության, փոխանցված վարկային միջոցների տնօրինման և տվյալ ընկերությունների գումարների հետ Աշոտ Սուքիասյանի առնչության վերաբերյալ:
Մամուլից պարզ դարձավ, որ սույն թվականի ամռանը նմանատիպ մեկ այլ հարցում հղվել էր ՀՀ-ում այդ ժամանակ գտնվող Կիպրոսի Գլխավոր դատախազին: Մինչդեռ մինչ օրս այդ հետազոտությունների և հարցումների վերաբերյալ որևէ պատասխան և տեղեկություն չի տրվել:
Այս հարցերի պատասխանները կարող է լույս սփռել իրականության վրա, որով ի վերջո կպարզվի, թե մասնավորապես որտեղ են գտնվում ՀՀ-ից ուղարկված և ՀՀ չվերադարձած իմ գույքի գրավադրման արդյունքում հափշտակված գումարները: Բացի այդ, կպարզվի թե Ա. Սուքիասյանը արդյո՞ք ունեցել է բիզնես Աֆրիկայում, որի համար իբրև թե պետք է սարքավորումներ գներ, շահագործված ադամանդի հումքը ներմուծեր ՀՀ` այստեղ նոր աշխատատեղեր ստեղծելու և ոլորտը զարգացնելու համար:
Եթե կան հարցումների պատասխանները, ապա ինչու՞ այդ մասին հանրությունը չի իրազեկվում, իսկ եթե չկան, ապա ո՞րն է դրա պատճառը:
Փայլակ Հայրապետյան
Լուսանկարը՝ «Հրապարակի»
