Սահմանին գազի գնի սուբսիդավորման հարցը կլուծվի Հայաստանի`Մաքսային միությանն անդամակցության շրջանակներում: Այս մասին այսօր Ազգային ժողովում լրագրողներին ասաց էներգետիկայի և բնական պաշարների նախարար Արմեն Մովսիսյանը: «Սուբսիդավորման հարցը կլուծվի էդ բանի՝ Մաքսային միության ներքո, արդեն լուծումը գտնվել է, հիմա արդեն կլուծվի»,- ասաց նախարարը:
Հիշեցնենք, որ սահմանում գազի գնի սուբսիդավորման համար տարեկան Հայաստանին անհրաժեշտ է 140 մլն դոլար: Արմեն Մովսիսյանը նաև ասաց, որ դրական է գնահատում Մաքսային միությանը միանալու որոշումը: Դա, ըստ նրա, տնտեսական առումով ձեռնտու է: «Իմ կարծիքով դա Հայաստանի տնտեսության համար բավականին դրական քայլ կլինի, հատկապես էներգետիկայի ոլորտում, քանի որ հիմնական մեր էներգակիրները ներկրվում են Ռուսաստանից»:
Նելլի ԳՐԻԳՈՐՅԱՆ
