Դանիայի հավաքականից երեկ կրած պարտությունից հետո ֆուտբոլի աշխարհի առաջնության եզրափակիչ փուլ անցնելու բոլոր հույսերը մարեցին: Իսկ ընտրական մրցաշարի «B» խմբի մրցաշարային աղյուսակում Հայաստանի ազգային հավաքականը նահանջեց նախավերջին հորիզոնական:
1. Իտալիա 8 6 2 0 15-5 20
2. Բուլղարիա 8 3 4 1 13-6 13
3. Դանիա 8 3 3 2 9-10 12
4. Չեխիա 8 2 3 3 8-8 9
5. Հայաստան 8 3 0 5 8-10 9
6. Մալթա 8 1 0 7 4-18 3
Այս անգամ էլ չստացվեց, թեեւ մեծ ցանկություն եւ փոքր հնարավորություն, այնուամենայնիվ, կար: Հիմա պետք չէ ողբերգություն սարքել, այլ անհրաժեշտ է կենտրոնանալ Եվրոպայի առաջնության հաջորդ մրցափուլի վրա:
Պետք է մարզիչներն ու ֆուտբոլիստները այսուհետեւ անեն այնպես, որպեսզի Մալթայի նման հավաքականների հետ հանդիպումներում միավորների կորուստներ չունենանք, որոնք հետագայում դառնում են ցավալի ու ճակատագրական:
Աշոտ ՀԱԿՈԲՅԱՆ
