Երեւանի քաղաքապետարանում Երեւանի ավագանին այսօր քննարկում է Երեւանի ավագանու կանոնակարգը տեղական ինքնակառավարման մարմինների
օրենքներին համապատասխանեցնելու հարցը: Սակայն «Բարեւ Երեւան» խմբակցության ավագանու պահանջով 15 րոպե նիստը ընդմիջվեց: Անահիտ Բախշյանը պահանջեց իրենց ավագանուն տրամադրել քննարկվող հարցի նախագիծը, որպեսզի տեսնեն՝ ինչին են քվեարկելու: Ըստ նրա, իրենք քննարկել են ուրիշ բան, սակայն այսօր մեկ ուրիշ փաստաթուղթ է իրենց հրամցվում:
«Բարեւ Երեւան»-ի ավագանին դժգոհում էր, որ իրենց առաջարկությունները փաստաթղթի վերաբերյալ միայն տեխնիկական մասով են ընդունվել, բովանդակային հարցերի շուրջ արված դիտողությունները հաշվի չեն առնվել: Խմբակցության ավագանին, օրինակ, առաջարկել էր կանոնակարգում նշված «համայնք»-ը փոխվի հանրային բառով:
Քաղաքապետի առաջին տեղակալ Կամո Արեյանը ի պաշտպանություն սույն փաստաթղթի, որի հեղինակներից մեկն էլ «Բարգավաճ Հայաստան» կուսակցության խմբակցության ղեկավար Թամար Պողոսյանն է, ասաց, որ այն փոփոխություններից հետո դարձել է «դեմոկրատ փաստաթուղթ», քանի որ այսուհետ լրամշակված փաստաթուղթը հնարավորություն է տալու հանրային հնչեղություն ստացած հարցերի շուրջ ժամանակավոր հանձնաժողովներ ստեղծել, հանձնաժողովներ ստեղծել նաեւ քաղաքապետին կից, բացի այդ, պարզեցվել է
Կարդացեք նաև
ավագանու արտահերթ նիստերի հրավիրման կարգը:
«Բարեւ Երեւանը» չմասնակցեց այս փաստաթղթի քվեարկմանը, սակայն այն 52 «կողմ» ձայներով ընդունվեց:
Ավագանու նիստը ընդմիջվեց մեկ ժամով: Այն կշարունակվի ժամը երկուսին: Օրակարգում դեռ 12 հարց էլ կա քննարկման:
Լուսինե ԲՈՒԴԱՂՅԱՆ
