Խոսելով վաղը Դանիայի ընտրանու հետ կայանալիք հանդիպման նախապատրաստության ընթացքի մասին՝ ֆուտբոլի Հայաստանի ազգային հավաքականի գլխավոր մարզիչ Վարդան Մինասյանը մամուլի ասուլիսում լրագրողներին հայտարարեց. «Չեխիայի հետ ծանր խաղից հետո արվում է ամեն բան, որպեսզի տղաները նորմալ վերականգնվեն: Նրանք թեթեւ մարզումներ են անցկացնում: Սակայն բաց մնացած դեռ մի հարց կա. հայտնի չէ, թե Արաս Օզբիլիսը վաղը կմասնակցի՞ խաղին: Նա մրսածության եւ սննդի թունավորվածության խնդիր ուներ: Այսօր նա նորից հետազոտվել է: Մինչեւ երեկո պատասխանները կունենանք: Հուսով եմ, որ լավ կլինի, քանի որ առանց այդ էլ մեր կորուստներն, ինչպես գիտեք, շատ են»:
Աշոտ ՀԱԿՈԲՅԱՆ
