Այն բանից հետո, երբ այս տարվա փետրվարին ՄՕԿ-ի գործկոմն առաջարկեց ըմբշամարտը հանել օլիմպիական խաղերի ծրագրից, ՖԻԼԱ-ում արմատական բարեփոխումներ սկսեցին կատարել:
Փոխվեց նախագահը, փոփոխություններ մտցվեցին կանոնների մեջ, որոնք ոչ միայն դիտարժան դարձրին ըմբշամարտը, այլեւ հասկանալի թե մարզասերների, թե իրենց՝ ըմբիշների համար:
Ըմբշամարտի՝ 2020 թվականի օլիմպիական խաղերի ծրագրում մնալ-չմնալու հարցը վերջնականապես որոշվեց այսօր, Արգենտինայի մայրաքաղաք Բուենոս-Այրեսում ընթացող ՄՕԿ-ի 125-րդ համաժողովում:: Այդ իրավունքին հավակնում էին նաեւ սոֆթբոլ/բեյսբոլն ու սքվոշը: Քվեարկության առաջին իսկ փուլում որոշվեց, որ ըմբշամարտը վերադառնում է 2020 թվականին Տոկիոյում կայանալիք ամառային օլիմպիական խաղերի ծրագիր:
Աշոտ ՀԱԿՈԲՅԱՆ
