Թեեւ «Ժողովուրդ» թերթի հետ զրույցում Հրազդանի քաղաքապետ Արամ Դանիելյանը հրապարակայնորեն հերքել էր Կոտայքի մարզպետ դառնալու իր հավակնությունների մասին, սակայն, Aravot.am-ի տեղեկություններով, Արամ Դանիելյանի հրապարակային հայտարարությունները եւ գործնական քայլերն էականորեն տարբերվում են: Մեր աղբյուրի փոխանցմամբ, Արամ Դանիելյանը որոշել է խորամանկել եւ, ինչպես ասում են`«մեկ կրակոցով երկու նապաստակ խփել»:
Նա ցանկություն ունի տիրանալ մարզի Կաքավաձոր համայնքում գտնվող հանքին: Վերջինիս սեփականատերը ԱԺ նախկին պատգամավոր, նախկին ՀՀԿ-ական եւ նախկին քաղբանտարկյալ Սասուն Միքայելյանի խնամին է` մարզի «Ճանշինի» ղեկավար Օնիկ Բաղդասարյանը: Դանիելյանը ցանկանում է խժդժություններ հրահրել Կաքավաձորում, դա վերածել Կոտայքի երկարամյա մարզպետ Կովալենկո Շահգալդյանի դեմ ուղղված բողոքի ակցիաների ու հասնել իր ցանկալի արդյունքին` ստանձնել Կոտայքի մարզպետի պաշտոնը, նաեւ դառնալ Կաքավաձորի հանքի սեփականատեր:
Հիշեցնենք, որ ըստ «Ժողովուրդ»-ի` այս օրերին Արամ Դանիելյանն անգամ «ծանոթներ» է փնտրում ՀՀԿ «վերնախավի» հետ հանդիպելու եւ իր ցանկության մասին հայտնելու համար: Տեղեկություններ կան, որ Դանիելյանը այժմ ցանկանում է հանդիպել ԱԺ նախագահ Հովիկ Աբրահամյանի հետ եւ դրա համար ամեն քայլի դիմում է, սակայն մինչեւ այսօր նրա ջանքերն ապարդյուն են անցել:
Կարդացեք նաև
Նելլի ԳՐԻԳՈՐՅԱՆ
