Շոտլանդիայի Ինվերնեսս (Inverness) քաղաքի բնակիչներ Սիդ Իննեսն (Sid Innes) ու Ջորջինա Պորտեուսը (Georgina Porteous) աշխարհին ապացուցել են, որ հարսանիքի համար մեծ գումարներ պետք չեն: Նրանք իրենց հարսանիքի վրա ծախսել են մոտ 1,5 դոլար` մեկ ֆունտ սթեռլինգ: Նրանք հայտարարել են, որ խուսափել են անտեղի ծախսերից:
Պսակադրությունն իրականացրել է աղջկա մայրը, որը ծառայում է տեղի եկեղեցում: Գումար չեն ծախսել: Հարսանեկան տորթն ու լուսանկարները իր վրա է վերցրել աղջկան մորաքույրը` զույգը գումար չի ծախսել: Մատանիները պատրաստել է աղջիկը` այգում գտած եղջերուի կոտոշներից` գումար չեն ծախսել: Աղջկա հայրը երաժիշտ է եւ սիրով նվագել է տոնական միջոցառման ժամանակ` գումար չեն ծախսել: Հարսանիքի համար ընտրվել էր տղայի տան մի սենյակ եւ հյուրերին ասվել էր, որ յուրաքանչյուրը կարող է բերել իր սիրած խմիչքն ու ճաշատեսակը: Զույգը գումար չի ծախսել: Տղան հագել էր մի քանի տարի առաջ գնած կոստյումը, աղջիկը` համացանցում 1,5 դոլարով գնած հարսանեկան զգեստը: Տղան աղջկան է նվիրել իր այգուց հավաքած ծաղիկներ` գումար չի ծախսել:
Զույգը որոշել է մեղրամիսն անցկացնել Գերմանիայում, ուր ազգականներ ունի: Հույս ունեն, որ կհաջողեն կրճատել շատ ծախսեր:
