Տեղեկացրել ենք, որ Բուենոս-Այրեսում կայացած Միջազգային օլիմպիական կոմիտեի 125-րդ համաժողովում ՄՕԿ-ի գործկոմը փակ քվեարկությամբ 2020 թվականի ամառային օլիմպիական խաղերի մայրաքաղաք ընտրեց Տոկիոն:
Այդ իրավունքին հավակնում էին նաեւ Մադրիդն ու Ստամբուլը: Առաջին փուլում քաղաքներից ոչ մեկն անհրաժեշտ քվե չհավաքեց: Ճապոնիայի մայրաքաղաքի օգտին ձայն տվել էին գործկոմի 42 անդամներ, Ստամբուլի եւ Մադրիդի՝ 26-ական: Լրացուցիչ քվեարկությունից հետո երկրորդ փուլ անցավ Ստամբուլը: Ի վերջո, այս երկու քաղաքներից ընտրվեց Տոկիոն:
Տոկիոյում արդեն օլիմպիական խաղեր անցկացվել են. 1972 եւ 1998 թվականներին, համապատասխանաբար, Սապպորոյում եւ Նագանոյում՝ ձմեռային, 1964 թվականին՝ ամառային: Ճապոնիայում պետք է կայանար նաեւ 1940 թվականի ամառային օլիմպիական խաղերը, սակայն Չինաստանի հետ պատերազմում գտնվելու պատճառով այն տեղափոխվել էր Ֆինլանդիա:
Աշոտ ՀԱԿՈԲՅԱՆ
