Ռուսական «Սպորտ-էքսպրես» պարբերականի հետ զրույցում Հայաստանի հավաքականի դարպասպահ Ռոման Բերեզովսկին, որը վնասվածք էր ստացել Չեխիա-Հայաստան խաղի ժամանակ, ասել է, որ խաղի ելքը արդարացի էր:
Ըստ նրա, «խաղով գերազանցեցինք չեխերին, բայց նաեւ բախտի գործոնը կար, քանի որ հաղթական գոլը խփեցինք ավելացված ժամանակում: Հուսով եմ , որ կկարողանամ մասնակցել Բուլղարիայի հետ կայանալիք հանդիպմանը: Այժմ յուրաքանչյուր խաղ առանցքային է Հայաստանի հավաքականի համար: Չնայած նրան, որ Դանիայի հետ հանդիպմանը մոտենալու ենք որոշակի կադրային խնդիրներով, այդուհանդերձ հուսով եմ, որ տղաները դրական արդյունքի կհասնեն»:
