Ինչ վերաբերում է Ղարաբաղի տարածքների ընդգրկմանը մաքսային տարածքի մեջ՝ Հայաստանի անդամակցության պարագայում, ապա չեմ կարծում, թե այդ հարցն այդքան հասկանում են Ղազախստանում, 1in.am-ի հետ զրույցում ասել է Ղազախստանի Քաղաքական որոշումների ինստիտուտի վերլուծաբան Վասիլի Միսնիկը:
Նրա խոսքով, չպետք է սպասել Աստանայի էական մասնակցությանը Ղարաբաղյան հակամարտության հարցում: Գրեթե պետք է վստահ լինել, որ առանց հայկական կողմի նախաձեռնության հայ-ղազախական տնտեսական հարաբերությունների նույնիսկ գործող պոտենցիալը կմնա չիրականացած:
Առաջին հերթին Հայաստանը կարող էր հետաքրքրված լինել Ղազախստանից արտահանվող ապրանքներով, ինչպիսիք են հացահատիկն ու նավթը: Այս դեպքում, իհարկե, գլխավոր խնդիրը առաքման ուղիներն են: Այստեղ, բացի ավանդական ՌԴ-ի և Վրաստանի ճանապարհից, կարելի է դիտարկել նաև Իրանի երթուղին: Հայաստանը կարող էր նաև փնտրել համագործակցության տարբերակներ Ղազախստանում բարձր տեխնոլոգիական արտադրություններում:
Կարդացեք նաև
Հոդվածն ամբողջությամբ` սկզբնաղբյուր կայքում
