Ռուսաստանի գլխավորած Մաքսային միությանը միանալու Հայաստանի որոշումը խափանել է կովկասյան հանրապետության հետ ավելի սերտ կապեր հաստատելու ԵՄ-ի ծրագրերը BBC-ին հղում անելով գրում է գրում է News.am-ը:
Եվրամիությունը նախատեսում է նոյեմբերին ասոցացման համաձայնագիր կնքել մի քանի նախկին խորհրդային հանրապետությունների հետ, սակայն Հայաստանը հազիվ թե դրանց շարքում լինի: Հայաստանի քայլն խորացրել է Արեւմուտքի անհանգստությունն այն հարցում, որ Ռուսաստանը ցանկանում է վերահսկողություն հաստատել նախկին խորհրդային հանրապետությունների նկատմամբ:
Ըստ բրիտանական լրատվամիջոցների՝ ԵՄ-ի հետ Ասոցացման համաձայնագիրը դուրս է առեւտուրը հեշտացնելու սահմաններից, այն նաեւ ժողովրդավարական չափորոշիչներին հետեւելու եւ ինստիտուցիոնալ բարեփոխումներ իրականացնելու պարտավորություն է պարունակում, որոնք բացակայում են Ռուսաստանի հետ Մաքսային միության մասը չեն հանդիսանում:
«Ռուսաստանը եւ Հայաստանը նախկին խորհրդային գործընկերներ են, վաղուց արդեն սերտ կապեր ունեն: Հայաստանը նախկինի պես շրջափակված է Ադրբեջանի հետ տարածքային վեճի պատճառով, որի բնակչության մեծամասնությունը մահմեդականներ են, եւ շատերը մատնանշում են Լեռնային Ղարաբաղի կապակցությամբ վեճի եւ Մաքսային միություն ընդգրկվելու միջեւ առկա ուղղակի կապը»:
Կարդացեք նաև
Ըստ աղբյուրի, Եվրախորհրդարանում արտաքին քաղաքականության փորձագետ, ԵԽ-ի պատգամավոր Չարլզ Տաննոկը նշել է, որ Ռուսաստանի կողմից Ադրբեջանին զենք վաճառելու կապակցությամբ անհանգստությունը նախագահ Սերժ Սարգսյանի վրա ավելի է ազդել, քան ցանկացած այլ հարց: 1990-ականների ղարաբաղյան պատերազմից հետո Հայաստանը սերտ ռազմական համագործակցություն ունի Ռուսաստանի հետ եւ առանց դրա «Հայաստանը միանգամայն խոցելի կլիներ Ադրբեջանի հարձակումների համար»,– նշել է Տաննոկը:
