Գորիկ Հակոբյանը ներողություն չի խնդրի

galatv.am  Երեկվանից ո’չ ԱԱԾ-ն, ո’չ ՀՀ ոստիկանությունը, ո’չ էլ իրավական ու իշխանական շրջանակները չեն արձագանքում ՀՀ ԱԱԾ պետ Գորիկ Հակոբյանի պահվածքին, երբ ակցիայի մասնակից, ցուցարար քաղաքացուն նա վիրավորեց` անվանելով «ոչխար»:

Այսօր ԳԱԼԱ-ն փորձել է պարզել ՀՀ ԱԱԾ-ի լրատվության եւ հասարակայնության հետ կապերի բաժնից, թե ԱԱԾ-ն որեւէ կերպ չի՞ անդրադառնալու կամ չի՞ արձագանքելու տեղի ունեցածին: ԱԱԾ մամլո խոսնակ Արծվին Բաղրամյանը ԳԱԼԱ-ի հետ զրույցում պատասխանեց. «Ոչ, ԱԱԾ-ն որեւէ կերպ չի անդրադառնալու եւ որեւէ հայտարարություն չի անելու»:

Մենք ճշտեցինք, թե արդյոք ԱԱԾ պետ Գորիկ Հակոբյանը չի պատրաստվո՞ւմ ներողություն խնդրել կամ գոնե բացատրել, թե տեղի ունեցածը թյուրիմացություն է, Արծվին Բաղրամյանը արդեն զայրացած տոնով պատասխանեց. «Ո՛չ, չի պատրաստվում եւ վերջ»: Մեր այն նկատառմանը, որ պատրաստ ենք ցանկացած դեպքում հրապարակել ԱԱԾ-ի պաշտոնական տեսակետը՝ լինի դա բացատրության, թե ներողության, ԱԱԾ մամլո խոսնակը  անջատեց հեռախոսը:

Կարդացեք նաև

«Ես չեմ կարծում, որ Վահե Ղազարյանն իրեն համեմատում է Գորիկ Գուրգենիչի հետ, պարզապես, չգիտի՝ ի՞նչ խոսի». Ալեքսանդր Կոչուբաեւ

• 13:16 08.06.2022

«Գորիկ Հակոբյանը ոչ միայն ոչնչացրել է Մարտի 1-ին առնչվող փաստաթղթերը, այլ նաեւ մեր երկրին եւ պետությանը առնչվող շատ փաստաթղթեր». Տիգրան Բարսեղյան. «Ժողովուրդ»

• 13:09 10.12.2019

Սեդա Սաֆարյանը վստահ է՝ Գորիկ Հակոբյանը ոչ մի գրություն էլ չի ուղարկել Քոչարյանին, եթե լիներ նման թուղթ՝ ցույց կտար, ոչ թե ոստիկանապետին մատնացույց կաներ

• 15:02 11.10.2019

Մանրամասները՝ ԳԱԼԱ-ի կայքում