Երևանի քաղաքապետարանի Լևոն Հովհաննիսյանի անվան սրտաբանության գիտահետազոտական ինստիտուտում նշվել է ինտերվենցիոն սրտաբանության և կլինիկական էլեկտրաֆիզիոլոգիայի բաժանմունքի ստեղծման մեկ տարին: Երևանի քաղաքապետ Տարոն Մարգարյանի որոշմամբ բացված բաժանմունքը հնարավորություն է տալիս սրտանոթային հիվանդությունների, մասնավորապես սրտի ռիթմի խանգարումների դեպքում կազմակերպել համապատասխան բուժում, նաև ստենդավորում կատարել: Մեկ տարվա ընթացքում բաժանմունքն ավելի քան 150 հիվանդ է ընդունել:
Բաժանմունքը, ինչպես նաև սրտաբանության գիտահետազոտական ինստիտուտն ընդհանրապես, գտնվելով քաղաքապետարանի մշտական ուշադրության կենտրոնում, տեխնիկական վերազինման նպատակով պարբերաբար անհրաժեշտ աջակցություն է ստացել:
Ինստիտուտն ակտիվորեն ներգրավված է եղել նաև «Երևանյան ամառ» ծրագրով անցկացվող առողջապահական ակցիային, որի արդյունքում տասնյակ քաղաքացիներ ստացել են անվճար խորհրդատվություն:
Երևանի քաղաքապետարանի տեղեկատվության
և հասարակայնության հետ կապերի վարչություն
