Այսօր լրագրողները իր ծննդավայրում`Ամասիայում հյուրընկալված Պետական եկամուտների կոմիտեի նախագահ Գագիկ Խաչատրյանից հետաքրքրվեցին, թե իր կարծիքով՝ ի՞նչ կտա Մաքսային միությունը Հայաստանին և մի՞թե դա ամենաօպտիմալ տարբերակն էր մեր երկրի զարգացման համար: «Դա քաղաքական որոշում է, որոշումը կայացված է, ավելի լավ է դրան ես չպատասխանեմ…Կարծում եմ, որ ստեղծված իրավիճակում ճիշտ որոշում էր, և մենք ամեն ինչ անելու ենք, որպեսզի Հայաստանի Հանրապետության համար բարենպաստ պայմաններ ստեղծվեն: Մաքսային միությանն անդամագրվելը տնտեսական առումով բավականին հեշտացված ռեժիմներ է նախատեսում Մաքսային միության մեջ գտնվող երկրների սահմաններում, Մաքսային միության սահմաններում», -ասաց ՊԵԿ նախագահը:
Այն հարցին, թե մյուս երկրների հետ մաքսային հարաբերություններ ունենալիս, չե՞ն ավելանա արդյոք տոկոսադրույքները, Գագիկ Խաչատրյանը այսպես արձագանքեց .«Նման բան չկա, մյուս երկրների հետ նույն ռեժիմներով աշխատելու ենք, մաքսային դրույքաչափերը , գործարկումները գնում են դեպի պարզեցում, Մաքսային միությունը չի խոչընդոտի մյուս երկրների հետ հարաբերություններին»:
Նունե ԱՐԵՎՇԱՏՅԱՆ
ՊԵԿ նախագահը կամ լկտիաբար ստում է, կամ տգետ է: Հազար անգամ ասվել է, որ Մաքսային միության անդամ երկրների մաքասային քաղաքականությունը որոշում է վերպետական մարմինը: Դժվար է, երևի, հասկանալ այս ճշմարտությունը, թե՞ շահավետ չէ…
Հայաստանը ՊԱՏՄԱԿԱՆ ՍԽԱԼ անելու նախաշեմին է: Հայաստանի de facto նախագահ Սարգսյան Սերժիկը ԻՐԱՎՈԻՆՔ ՉՈԻՆԻ ամբողջ ազգի անունից այսպիսի ճակատագրական որոշում կայացնի: Եթե Հայաստանը իրոք դառնա Մաքսային միության /«Եվրասիական միության» անդամ,ապա Ղարաբաղը ՄԻԱՆՇԱՆԱԿ մնալու է Ադրբեջանի կազմում. ով սա չի հասկանում,նա քաղաքականապես ՏՀԱՍ է:
Մաքսային միության ԲՈԼՈՐ երկրները բռնատիրական,հետամնաց ու հումք արտահանող երկրներ են,որոնք Հայաստանին ՈՉԻՆՉ կամ շատ քիչ բան ունեն տալու: Սրանից ՄԻԱՅՆ օլիգարխային-կոռումպացված կլանն է շահելու: Այս մարդիկ Եվրամիության դեմ ոչ մի լուրջ արգումենտ ՉՈԻՆԵՆ,բացի նույնասեռականներով/միասեռական ամուսնություններով վախեցնելու իրենց տհաս փորձերը: