Ակտիվիստ Գեւորգ Սաֆարյանի համոզմամբ, իշխանությունները քաղաքացիական ակտիվիստներին թիրախավորել են ծեծելու համար :
Անդրադառնալով երեկ ու նախորդ օրերին քաղաքի տարբեր հատվածներում անհայտ անձանց կողմից ծեծի ենթարկված ակտիվիստների դեպքերին` նա կարծիք հայտնեց. «Չեմ կարծում, թե ում պատահի՝ բռնում ծեծում են, իմ կարծիքով՝ կա որոշակի մոտեցում, թե ում ծեծեն…իշխանությունները ակտիվիստների դեմ հանել են փողոցի խուժանին: Ակնհայտորեն դա ուղղորդված է եւ ակնհայտորեն ոստիկանությունը անգործության է մատնված: Այն պարագայում, երբ ոստիկանությանը բազմաթիվ դիմումներ են ուղարկվել, որ քաղաքում գործում է բանդա, որը նույն մոտիվացիայով հարձակվում է քաղաքացիների վրա»:
Գեւորգ Սաֆարյանի խոսքերով, քաղաքի տարբեր հատվածներում տեսախցիկներ են տեղադրված եւ բանդայի հարձակումները, քաղաքացիներին ծեծողներին շատ արագ կարելի է «բռնացնել» տեսագրությամբ. «Ոստիկանությունը մինչեւ այսօր այդ բանդային չի ձերբակալում: Սա ցույց է տալիս, որ ոստիկանությունը չի ցանկանում ձերբակալել, երեւի ունի նման հրաման: Պետությունը փորձեց ոստիկանության միջոցով ճնշել ակտիվիստներին, չստացվեց, հիմա փորձում է փողոցային խուժանի միջոցով ճնշել: Տեսնենք հաջորդ քայլերը»:
Կարդացեք նաև
Արփինե ՍԻՄՈՆՅԱՆ
Սա վերջն է, երբ թաղի խուժանը լուծում է նաև երկրի խուժանի՝ պաշտպանության խնդիրը: