Ազգային վիճակագրական ծառայության տվյալների համաձայն, այս տարվա օգոստոսին նախորդ տարվա նույն ժամանակահատվածի համեմատ բանջարեղենը թանկացել է 32,7 տոկոսով, մրգերը՝ 24,9 տոկոսով, ձուն՝ 27,9 տոկոսով եւ այլն։
«ՉԻ» – Այն, որ ռուսական գազի թանկացման լուրը լսելով հավերը սկսել են ավելի դժկամորեն ձու ածել՝ հասկանալի է, իսկ ահա մրգի և բանջարեղենի գնաճի հարցում ինչ-որ բան այն չէ։ Պաշտոնական վիճակագրությունը նախ հայտարարում է, թե օգոստոսին գնաճի տեմպերը մեղմվել են, որովհետեւ կապված սեզոնի հետ՝ միրգն ու բանջարեղենը էժանացել են, իսկ մի քանի օր անց պարզվում է, որ ինչ էժանանալ, ինչ բան, ամեն ինչ 25-30 տոկոսով թանկացել է։ Բա ինչպե՞ս եղավ, որ ընդհանուր գնաճն ընդամենը 9 տոկոս կազմեց։ Ինչպե՞ս է լինում, որ գազը թանկանում է 18 տոկոսով, հոսանքը՝ 27, բանջարեղենը՝ 32,7, միրգը 25, ձուն՝ 28, իսկ «ընդհանուր գնաճը» կազմում է 9 տոկոս։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
