«Կայսերապաշտական հովերով ապրող պուտինյան Ռուսաստանի ճնշման տակ Հայաստանի նախագահ Սերժ Սարգսյանը ետ է կանգնել 1991թ հանրաքվեից սկսած հայ ժողովրդի որդեգրած արժեքային համակարգից եւ դարձել ռուսական իմպերիալիզմի կամակատար »,- «Պոստ սկրիպտում » մամուլի ակումբում լրագրողների հետ զրուցում ասաց Ազգային ինքնորոշում միավորման ղեկավար Պարույր Հայրիկյանն՝ անդրադառնալով Սարգսյան-Պուտին հանդիպման ժամանակ Հայաստանի նախագահի այն հայտարարությանը, որ մեր երկիրը պատրաստ է անդամակցել Մաքսային միությանը։ Պարույր Հայրիկյանը այսօրինակ լուծումը համարում է անարժանապատիվ եւ պարտվողական։
«Այս ամենը կարելի էր կանխել եւ սպառնալիքներին դիմակայել հրապարակային քննարկումներով եւ հրապարակային դիվանագիտությամբ։ Ռազմավարական նշանակության հարցերի քննարկման դաշտ պետք է ներգրաված լինի նաեւ միջազգային հանրությունը»,- ասաց ԱԻՄ առաջնորդը։
Հայրիկյանը գտնում է, որ տվյալ պարագայում գործ ունենք նախագահի պաշտոնական դիրքին չհամապատասխանող, հետին նկատառումներով կամ «գաղտնի գործակալության ցանցի պետերի հրամաններով առաջնորդվող անձի հետ»։ ԱԻՄ առաջնորդը գտնում է, որ հայաստանյան պետական պաշտոնյան միայն սեփական ժողովրդի ճնշումը պետք է օրինական համարի, որեւէ այլ ճնշումը պետք է ընկալվեր «անհարգալից եւ ագզի ու մարդկության համար վտանգավոր դրսեւորում»։ Հայրիկյանը հիշեցրեց, որ բազմաթիվ պաշտոնյաններ խոսել էին եվրոպական կողմնորոշման նախընտրելիության մասին, ուստի, ինքն ակնկալում է, որ նրանք պետք է հանդես գան հրաժարականների շարքով։
«Քառասուն տարի առաջ ասպարեզ իջեցնելով ինքնորոշման գաղափարը, դրանից հետո ռուսական բանտերում ծառայելուց հետո, ստեղծելով Ազգային ինքնորոշում միավորումը, ինձ հաջողվեց մեր ժողովրդի սեփականությունը դարձել սեպտեմբերի 21-ը։ Հիմա արդեն այլ է վիճակը, այսօր արդեն պետութենական կազմակերպություններ՝ պաշտոնապես գրանցված կուսակցություններ կան, բայց այս հարցում իրական դաշնակիցներ գտնելը շատ դժվար է։ Անգամ այս իրավիճակում նրանց ուշադրության կիզակետում աթոռն է, դրանք է, որբ արդարության համար Պուտինի մոտ վազելով թուլացնում են մեր պետությունը, կամ լկտիաբար հայտարարում էին, թե Հայրիկյանի վրա չեն կրակել, հիմա բոլորիս վրա կրակեցին, կամ ընդդիմադիր էին եւ դարձան դեսպաններ»,- ասաց Պարույր Հայրիկյանը։
Կարդացեք նաև
Նա նշեց, որ մեր միասնական խնդիրն է միասնական ուժերով ցույց տալ, որ սեպտեմբերի 21-ի ժառանգներն ենք, որ Աստվածատուր մեր ինքնորոշումից վեր ոչինչ չենք ընդունում, սակայն հիմա դա ավելի բարդ է քան ՍՍՀՄ-ի տարիներին, քանի որ «ասում են, մենք ընդդիմություն ենք, ու հետո հերթով դառնում են ՀՀ նախագահի դեսպանները: Սրանց հետ աշխատելը շատ դժվար է»:
Այլ մանրամասները` տեսանյութում
Նելլի ԳՐԻԳՈՐՅԱՆ
