Նոր բիզնես դնելու պայմաններ ունենալով Հայաստանն առաջընթաց է ապրել՝ զբաղեցնելով 10-րդ տեղը: Այսօր կառավարության նիստում ասաց ՀՀ վարչապետ Տիգրան Սարգսյանը՝ հրապարակելով Տնտեսական մրցունակության համաշխարհային զեկույցի տվյալները: Նա նշեց այն հինգ ուշագրավ առավելությունները եւ հինգ ուշագրավ թերությունները, որոնց համաձայն մեր երկիրն առաջընթաց եւ հետընթաց է արձանագրել:
Աշխատանքի ընդունվելու եւ աշխատանքից ազատվելու գործելակերպով նույնպես առաջընթաց ենք ունեցել՝ 12-րդ տեղում ենք: Պետական քաղաքականության մշակման գործընթացի թափանցիկությամբ՝ 17-րդ տեղում ենք: Ներդրումների պաշտպանվածության ուժգնությամբ 25-րդ տեղում ենք: Պետական կառավարման բեռով՝ 34 տեղում:
Վարչապետը թերությունների շարքին դասեց կառավարման դպրոցների որակը մեր երկրում, որով զբաղեցրել ենք 120-րդ տեղը: Երկրում տաղանդների պահպանման ունակությունը նույնպես բավարար մակարդակի վրա չէ, այս հարցով մեր երկիրը 121-րդ տեղում է: Մաքսային գործընթացների բեռով՝ 123-րդ տեղն ենք զբաղեցրել: Արտաքին շուկայի չափի համատիպով 127-րդ տեղում ենք:
Համախառն ներքին արդյունքի մեջ արտահանման մասնաբաժնով հայտնվել ենք 130-րդ տեղում:
Կարդացեք նաև
Վարչապետը բոլոր նախարարներին հանձնարարեց մանրամասն ուսումնասիրել այդ հաշվետվությունը եւ կառավարությանը ներկայացնել միջավայրը բարելավելու քայլեր:
Լուսինե ԲՈՒԴԱՂՅԱՆ
