«Պետք էր բաց ու հրապարակավ խոսել, ոչ թե գողի նման կծկված»,- այսօր «Պոստ սկրիպտում» մամուլի ակումբում հայտարարեց ԱԻՄ նախագահ Պարույր Հայրիկյանն`անդրադառնալով նախագահ Սարգսյանի մոսկովյան հայտարարությանը`Մաքսային միությանն անդամակցության մասին եւ դրան նախորդած հայտարարություններին`ԵՄ-ին ինտեգրվելու մասին:
Այնուհանդերձ, նա նախագահի հայտարարությունն առ ոչինչ է համարում, քան դեռ խորհրդարանն ու ՍԴ-ն չեն վավերացրել այն, ուստի, կարծում է, որ պետք է քննարկել այդ հայտարարությունը:
Պատասխանելով լրագրողներից մեկի հարցին, որ նախագահի աշխատակազմի ղեկավար Վիգեն Սարգսյանի հայտարարեց, թե Հայաստանի օրակարգից դուրս չի գալիս եվրաինտեգրումը, Հայրիկյանը նկատեց, որ միջազգայնագետ Վիգեն Սարգսյանը պետք է, որ լավ իմանար, որ երկկողմ հարաբերություններում երկրորդ կողմի կարծիքն էլ է կարեւոր, իսկ դա քանիցս է բարձրաձայնել`կամ-կամ. «Դու միաժամանակ չես կարող լինել ավազակի եւ ազնիվի դաշնակից»:
Պատասխանելով Aravot.am-ի դիտարկմանը, որ Եվրոպական հանձնաժողովի պաշտոնական կայքեջում տեղադրված հաղորդագրության համաձայն, իրենք ըմբռնումով են մոտենում Հայաստանի որոշմանը, Հայրիկյանն ասաց. «Նրանք հասկանում են, որ Հայաստանն իրեն շատ վատ պահեց, բայց հասկանում են, որ Հայաստանին պետք է ապրել ու այս պահին, երբ ՌԴ-ն Սմերչ տվեց Ադրբեջանին, նրան դարձրեց ՌԴ-ի կատաղած շունը, հետեւաբար, ընդամենն ըմբռնումով են մոտենում»:
Կարդացեք նաև
Հայրիկյանը դա համարում է նաեւ լուրջ հարված «կոմունիստական ամբողջատիրության մնացուկներին»`ցույց տալով, որ Եվրոպան հասկանում է, թե ինչի մասին է խոսքը, բայց կարող է ապրելու հնարավորություն տալ Հայաստանին:
Նելլի ԳՐԻԳՈՐՅԱՆ
