Այսօր «Հայացք» ակումբում քաղաքական գիտությունների դոկտոր, պրոֆեսոր, մանկավարժական համալսարանի քաղաքագիտության եւ իրավունքի պատմության ամբիոնի վարիչ Լեւոն Շիրինյանը, խոսեց արտաքին ռազմավարական նոր մարտահրավերներից:
«Մոտ ութսուն տոկոսով հաղթեց աշխարհագրությունը, մնացածը` Ռուսաստանի եւ մեր նախագահների ցանկությունն է»,- ասաց Շիրինյանը, որի խոսքով` Ռուսաստանի պատմության մեջ շատ է եղել, երբ նա «թեւերը տարածել է»:
«Եվրամիությունում ողբ է սկսել հայ ժողովրդի հետ միասին, բայց Եվրամիությունը, օրինակ` անվտանգության երաշխիքներ մեզ չի տվել: Հայաստանը կողմնորոշվել է: Եթե չեն որոշել Հայաստանին վերջնականապես ճորտացնել` ուրեմն գործընթացը հստակ կգնա: Տարածված տեսակետն այն է, որ հայ ժողովուրդը դեպի Եվրոպա էր ձգտում, ու երկիրը չի զարգանա, եթե Ռուսաստանի հետ դաշինքի մեջ լինենք, բայց պետության կայացումը կախված է մեզնից, ոչ թե Ռուսաստանից, կամ Եվրոպայից: Եվրոպան պետք է ըմբռնումով վերաբերվի մեր այս որոշմանը: Այս անգամ նա հարցը քաղաքականացնելու բարոյական իրավունք չունի»,- նշեց Շիրինյանը՝ ավելացնելով, որ ի վերջո պետք է մտածել ապագայի մասին, իսկ ապագայում մենք զենքի խնդիր չենք ունենա:
Եվա ՀԱԿՈԲՅԱՆ
