Մեր քաղաքացիներից փորձեցինք ճշտել, թե հիմնականում որ ապրանքներն են թանկացել, եւ այդ թանկացումներն ինչքանով են վնասում իրենց ընտանեկան բյուջեն։ Պարզվեց, որ համատարած թանկացումներ են գրանցվել սննդամթերքի ոլորտում։ Մասնավորապես, թանկացել են կաթնամթերքը, հացաբուլկեղենը, ընդեղենը, ձեթը եւ նմանատիպ բազմաթիվ այլ ապրանքներ։ Ըստ Կարինե Հունանյանի՝ թանկացնում են առանց որեւէ հիմնավոր պատճառի։ «Աշխատավարձով ապրող մարդիկ ենք, մեր գումարը բաշխված է օրերի վրա։ Մեկ շաբաթ առաջ ես օրական 4 հազար դրամ էի ծախսում, իսկ այսօրվա դրությամբ ծախսում եմ 6 հազար դրամ, բայց գնումներիս ցուցակում որեւէ բան չի փոխվել»,- ասաց տիկին Կարինեն։ Եթե մեկ ամիս առաջ ձվի գինը տատանվում էր 40-50 դրամի սահմաններում, այսօր հասել է 60-75 դրամի։ «Առավոտյան նախաճաշի համար ամենահարմարը ձվածեղ պատրաստելն է, բայց այսօր միայն նախաճաշելու համար ամենաքիչը 700 դրամ պետք է ծախսեմ»,- գանգատվում է տիկինը։
Այլ սնունդ, օրինակ՝ մակարոնեղեն օգտագործելու դեպքում եւս գնային աճն ակնառու է։
Ալյուրը նույնպես չի շրջանցվել։ 320, 330, 340. սրանք այլուրի նախկին գներն են, իսկ այժմյան գները 370-380 դրամ են։ Այլուրի, գազի գների բարձրացման հետեւանքով հացի գինը եւս ավելացել է մոտ 10-20 դրամով։ «Խանութ կա՝ հացը թանկացրել ա, խանութ կա՝ չի թանկացրել, մենք էլ, ընկած խանութից խանութ, մեր գրպանին համապատասխան հաց ենք առնում։ Եթե առաջ հացը 120 դրամ էր, հիմա դարձրել են 130, 150-ը՝ 160 եւ այսպես շարունակ»,- ասաց Ռուբեն Գերավետյանը՝ բարի լուր ավետելով, որ «Սեւան» գործարանի արտադրած հացը չի թանկացել։
Ընդեղենի գներում եւս թանկացումներ են նկատվում։ «Ոսպը 700 դրամ է դարձել, իսկ առաջ ես գնում էի 600 դրամով, հատիկ լոբին միշտ թանկ է եղել, բայց երբեք չի գերազանցել 1200-ի սահմանը, իսկ այսօր 800 դրամանոց լոբին դարձել 1000 դրամ, 1000 դրամանոցը՝ 1200, ու այդպես մինչեւ 1500 դրամ»,- ասաց Հեղինե Սահակյանը:
Կարդացեք նաև
Աննա ՄԱԹԵՎՈՍՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
