«Եվրոպան կանգնեց խնդրի առջև, որը չէր զգում դեռ մի քանի շաբաթ առաջ: Եվրոպան շոկի մեջ է, բայց ես չեմ բացառում, որ մենք կլինենք Վիլնյուսում, ու ինչ-որ բան կստորագրենք այնտեղ»- այսօր «Նովոստի Արմենիա» մամուլի ակումբում հայտարարեց «Կովկաս» ինստիտուտի տնօրեն Ալեքսանդր Իսկանդարյանը`անդրադառնալով նախագահներ Սարգսյանի եւ Պուտինի՝ երեկ Մոսկվայում հնչեցրած`ՀՀ-ի Մաքսային միությանն անդամակցելու հայտարարությանը:
Քաղաքագետը չի կարծում, որ նախագահի այս որոշումը Հայաստանի արտաքին քաղաքականության մեջ պարտություն պետք է համարել և պետք է շարունակել աշխատել:
Aravot.am-ի հարցին`իր պատկերացումներով ինչպե՞ս պետք է Հայաստանը միաժամանակ երկու տարբեր տնտեսական համակարգերի անդամ լինի, մանավանդ, որ եվրոպացի չինովնիկները քանիցս հայտարարեցին, որ դա անհնար է, քաղաքագետն ասաց, որ ինքն էլ վստահ է, որ Հայաստանը միաժամանակ երկու կազմակերպության անդամ լինել չի կարող: Սակայն, քանի որ դեռ պարզ չէ, թե ինչպիսին է իրական կյանքում լինելու Մաքսային միությանն անդամակցությունը, խաչ քաշել Ասոցացման համաձայնագրի վրա, չի կարելի:
Նելլի ԳՐԻԳՈՐՅԱՆ
