«Եվ-եվ-ի կլիշեն ՀՀ պայմաններում հնարավոր է պահպանել, եթե մենք կարողանանք ճիշտ աշխատել: Այդ առումով կարելի է ողջունել այն, որ Սերժ Սարգսյանը գնաց և այնտեղ համաձայնություն կայացրեց: Բայց դժբախտաբար փաստաթղթեր չկան, այնինչ եթե լավ ուսումնասիրվեն դրանք, անպայման ելքեր կգտնվեն»,- Aravot.am-ի հարցին՝ ճի՞շտ էր արդյոք Մաքսային միությանն անդամակցելու՝ Սերժ Սարգսյանի կայացրած որոշումն, այսպես պատասխանեց արտակարգ և լիազոր դեսպան, diplomat.am կայքի տնօրեն Արման Նավասարդյանը:
Մեր հստակեցմանը դեռ կարելի՞ է խոսել և-և-ի քաղաքականության մասին, նույնիսկ եթե հաշվի առնենք, որ եվրոպական բարձրաստիճան պաշտոնյաներ բացառել են ՀՀ-ի անդամակցումը միաժամանակ Մաքսային միությանն ու ԵՄ Ասոցացման համաձայնագրին, պարոն Նավասարդյանն այսպես պատասխանեց. «Դրանք շարունակական գործընթացներ են: ՀՀ աշխարհաքաղաքական և ռազմաքաղաքական դերը ամբողջ այս թնջուկի մեջ է: Եթե կարողանանք, կհասնենք այն բանին, որ նույնիսկ երկու բլոկները ուրախ կլինեն տեսնել մեզ իրենց բլոկների մեջ»:
Հարցին՝ արդյոք ՀՀ նախագահ Սերժ Սարգսյանն իրավունք ունե՞ր առանց որևէ հայտարարության, կամ հասարակությանը նախապատրաստելու գնալ և Մոսկվայում նման որոշում կայացնել, պարոն Նավասարդյանը պատասխանեց. «Կարծում եմ՝ ոչ»:
Տաթև ՀԱՐՈՒԹՅՈՒՆՅԱՆ
