Այսօր «Դանդի փրիշս մեթալս Կապան» ՓԲԸ գլխավոր տնօրեն Հրաչ Ջաբրայանը լրատվամիջոցների եւ հ/կ ներկայացուցիչների հետ ունեցած հանդիպման ժամանակ հայտարարեց, որ բաց հանք չի լինելու: Վերջին 10 օրերին հանդիպումներ է ունեցել ղեկավարության հետ եւ հաշվի առնելով վերջին շրջանում բաց հանքի շուրջ բարձրացված տարաձայնությունները, որոշել է այդ մասին հայտարարել նախքան Կանադա գնալը, թեեւ նախապես տեղեկացրել էր, որ բաց հանքի վերաբերյալ վերջնական հայտարարություն կանի սեպտեմբերի կեսերին` Տորոնտոյում սեփականատերերի հետ ունենալիք հանդիպումից հետո:
«Ես որոշեցի այսօր հայտարարություն անեմ, որ տարաձայնությունները վերանան: Նկատի առնելով վերջին 6 տարվա հորատման արդյունքները, նկատի առնելով, որ մենք զանազան մոտեցումներ ունենք, ես այսօր ուրախ եմ հայտարարել, որ «Դանդի փրիշս մեթալս»-ը որոշել է հանքը շահագործել միայն ստորգետնյա պայմաններով: Շահումյանի տարածքում բաց հանք չպիտի լինի, մենք հետաքրքրված չենք
Շահումյանի տարածքում բաց հանք ունենալ եւ հանքի օգտագործման միակ մեթոդը պետք է լինի ստորգետնյա պայմաններով», – հայտարարեց Հրաչ Ջաբրայանը եւ վերջակետ դրեց, բաց հանքի շուրջ ծավալված բոլոր տարաձայնություններին: Ներկաները ողջունեցին ընկերության որոշումը եւ ուրախությամբ տեղեկացրեցին, որ մտահոգված բնակչությունն այլեւս չի մտածի քաղաքը լքելու մասին:
Գլխավոր տնօրենի խոսքով` այժմ իրենց նպատակն է լինելու կենտրոնանալ ստորգետնյա հանքավայրի շահութաբեր օգտագործման ուղղությամբ, դա կլինի ընդլայնման տարբերակով կամ այլ մոտեցմամբ, դեռ պետք է ուսումնասիրություններ արվեն եւ լուրջ աշխատանքներ տարվեն այդ ուղղությամբ առաջիկա 7 ամսվա ընթացքում: Այդ բոլոր հարցերը կքննարկվեն Կանադայում սեփականատերերի հետ կայանալիք հանդիպման ժամանակ: Բայց, որ բաց հանք չի լինելու, դա արդեն իսկ հստակ է, իսկ սեփականատերն էլ խոստացել է շահույթ ապահովելու դեպքում` համայնքին տրամադրել շահույթի 10 տոկոսը, եւ այդ պարագայում ընկերությունը կդառնա աշխարհի ամենաշատ սոցիալական ներդրում անող հանքարդյունաբերական ընկերությունը:
Մերի ՍՈՂՈՄՈՆՅԱՆ
Ափսոս, շատ ափսոս, որ հայտրարությունով հանդես եկաք հարգելի տնօրեն, քանի- քանի մարդկանց զրկեցիք գրանտներից ,
Վախենում ես մի բան չգտնեն…. Տեսնես հիմա ինչից են կպնելու
Դինո գոլդի վարչական գծով տնօրեն.«Ես ուզում եմ, որ Կապանում բաց հանք լինի, որովհետեւ այս քաղաքի սոցիալական իրավիճակը ուրիշ լուծում չունի»
https://www.aravot.am/2012/11/15/130922/