ՀՀ կառավարության օգոստոսի 29-ի որոշմամբ Երևանի Հրաչյա Աճառյանի անվան N 72 հիմնական դպրոցը լուծարվել է եւ կրթօջախի գործունեությունն աշակերտների թվաքանակի շեշտակի նվազման պատճառով նպատակահարմար չի համարվել: Ըստ նույն որոշման ՝ դպրոցի շենքն անհատույց օգտագործման իրավունքով տրամադրվել է «Հավաքական անվտանգության պայմանագրի կազմակերպության ակադեմիա» (ՀԱՊԿ) հիմնադրամին:
Aravot.am-ը Երեւանի քաղաքապետարանի հանրակրթության վարչության պետ Գայանե Սողոմոնյանից հետաքրքրվեց՝ ի՞նչ ճակատագիր կունենան դպրոցի աշխատակիցներն ու աշակերտները:
Հանրակրթության վարչության պետը հավաստիացրեց, որ դպրոցի աշակերտներն արդեն տեղավորվել են տարբեր դպրոցներում: Ներկայացնելով իրավիճակը, տիկին Սողոմոնյանն ասաց, որ «2012-2013 ուսումնական տարում դպրոցում կար 48 աշակերտ, 12-ը ավարտեց դպրոցը եւ մնաց ընդամենը 36 աշակերտ: Դպրոցը չունի առաջին, երկրորդ, յոթերորդ եւ ութերորդ դասարան, իսկ եղած դասարաններից յուրաքանչյուրում սովորում է 5-7 աշակերտ: Ընդհանուր հաստիքացուցակով կա 16 ուսուցիչ, որից 2-ը համատեղող ուսուցիչներ են, երեքը կենսաթոշակի տարիքի: Դպրոցը 1936- ին կառուցված է եղել 240 աշակերտային հզորությամբ: Եթե մի դասարանում ընդամենը 5 աշակերտ է սովորում, ու աշակերտների թիվը նվազման միտում ունի, ինչի՞ մասին է խոսքը»:
Մեզ հետ զրույցում վարչության պետը հիշեց, որ լուծարված դպրոցի ֆիզկուլտուրայի եւ ռազմագիտության ուսուցիչներին օրերս են տեղավորել աշխատանքի, ինչ վերաբերում է դասվարներին եւ գրադարանավարին, բոլորն էլ կենսաթոշակի տարիքի են եղել: «Քանի որ որոշ դպրոցներում թափուր տեղեր կային, ուսուցիչներին առաջարկեցինք մասնակցել մրցույթի, սակայն ոմանք պարզապես չցանկացան: Իսկ ընդհանրապես այդ դպրոցի հետ կապված աշխատանքը դեռ ընթացքի մեջ է»,-հավելեց Գայանե Սողոմոնյանը:
Կարդացեք նաև
Գոհար ՀԱԿՈԲՅԱՆ
ՇԱՏ ՇՈՒՏՈՎ ՀՀ կառավարության ___-ի որոշմամբ Հայաստանի Հանրապետությունը լուծարվել է բնակչության թվաքանակի շեշտակի նվազման պատճառով: Ըստ նույն որոշման ՝ տարածքը անհատույց օգտագործման իրավունքով տրամադրվել է հարևան հանրապետություններին: Վերջին տարում Հայաստանի Հանրապետությունում կար 48 քաղաքացի, 12-ը մահացան եւ մնաց ընդամենը 36 …
…«թիվը նվազման միտում ունի, ինչի՞ մասին է խոսքը»…