Էրդողանի հայտնի հայտարարությունը, որ Օբամայի որդեգրած քաղաքականությունը բավարար չէ, նշանակում է, որ Թուրքիան ԱՄՆ-ից պահանջում է հուժկու հարված, որը կոչնչացնի Ասադին. այսօր «Հենարան» ակումբում նման տեսակետ հայտնեց թուրքագետ Արտակ Շաքարյանը:
Շաքարյանը նշեց, որ Օբաման Սիրիայի հարցում չունի հստակ որդեգրած մոտեցում` «Արդյոք մեկ հարվածը կտապալի՞ Ասադին` իհարկե ոչ, նա դեռ ունի աջակցություն, ուստի Օբամայի կետային հարվածը չի ոչնչացնի նրան: Իսկ դրանից բնականաբար դժգոհում է Էրդողանը, որն այսօր ունի քիչ թե շատ անվերահսկելի իշխանություն Թուրքիայում»:
Շաքարյանը նաեւ նշեց, որ Էրդողանը իր վերջին երկու տարվա ռազմավարությունը կառուցեց Սիրիան ոչնչացնելու, ուժեր բերելու վրա: Էրդողանի վերջին երկու տարվա քաղաքականությունը վերացրեց Դավութօղլուի` զրո խնդիր հարեւանների հետ քաղաքականությունը. «Էրդողանին սպասվում են ներքին խնդիրներ: Առաջիկայում Թուրքիայում կայանալու է տեղական ինքնակառավարման մարմինների ընտրություններ, ապա սահմանադրության հանրաքվե»,- նշեց բանախոսը:
Կարդացեք նաև
Եվա ՀԱԿՈԲՅԱՆ
