«Կրոնի ազատությունն արդի աշխարհում՝ մարտահրավերներ և երաշխիքներ» համաժողովին մասնակցող Հայաստանում ԱՄՆ-ի դեսպան Ջոն Հեֆերնը լրագրողների հետ զրույցում հայտարարեց. «Ես հետեւում եմ խաղաղ ցույցերի ճանապարհով Հայաստանում ժողովրդի կամքի դրսեւորմանը` տեղական եւ միջազգային նշանակության հարցերի վերաբերյալ»:
«Խաղաղ ցույցերը կարեւոր են երկրում ժողովրդավարության զարգացման համար: Ես ողջունում եմ բողոքի խաղաղ ցույցերի մասնակիցներին: Ցանկանում եմ գովել նաեւ ՀՀ ոստիկանության աշխատակիցներին, որոնք պատշաճ կերպով են իրականացնում իրենց աշխատանքը եւ զսպվածություն են դրսեւորում ցուցարարների նկատմամբ»,- նշեց պրն Հեֆերնը:
Անդրադարձավ նաեւ Հայաստանում կրոնական կազմակերպությունների գործունեությանը. «Հայաստանը ստորագրել է մի շարք միջազգային կոնվենցիաներ, ինչի արդյունքում իր վրա որոշակի պարտավորություններ է վերցրել: Ինչ վերաբերում է դավանանքի ազատության վերաբերյալ միջազգային զեկույցին, ապա Հայաստանի հասցեին կա ինչպես քննադատություն, այնպես էլ դրվատանք: Մենք ընդունում ենք երկրում Հայ առաքելական եկեղեցու հատուկ կարգավիճակը, սակայն որոշ ասպեկտներում բարեփոխումների անհրաժեշտություն կա»:
Պատասխանելով այն հարցին, թե Հայաստանում կոնկրետ ի՞նչ սպառնալիքներ կան կրոնական փոքրամասնությունների համար, Հեֆերնն ընդգծեց, որ այդ խնդիրների մասին ասված է զեկույցում. «Կրոնական կազմակերպությունները պետք է քարոզչություն իրականացնելու հնարավորություն ունենան»:
Կարդացեք նաև
Մանրամասն՝ ավելի ուշ
