Որքան էլ վերջին շրջանում դժվարացել է Եվրոպայում անօրինական բնակվող մեր հայրնակիցների կեցությունը, այնուամենայնիվ նրանք նախընտրում են մնալ այնտեղ, քան վերադառնալ, տեղեկացնում է 1in.am-ը:
28-ամյա Լիլիթ Սարգսյանն (անունը՝ պայմանական) արդեն մեկ տարի բնակվում է Ֆրանսիայի Լիոն քաղաքում: Հայաստանում աշխատում էր որպես տաքսի ծառայություններից մեկի օպերատոր, ստանում էր մոտ 80․000 դրամ աշխատավարձ:
Կայքի հետ զրույցում Լիլիթը նշել է, որ առայժմ որեւէ կարգավիճակ չունի, սպասում է՝ երեք ամսից հնարավոր է ստանա. «Պետք է կանչեն, դատ է, որտեղ որոշում են՝ իրենց երկրում կարող ես ապրել, թե ոչ, բայց հիմա հայերին հիմնականում բացասական պատասխան են տալիս: Ես հետ չեմ վերադառնա, քանի որ ինչքան էլ հիմա անորոշ է ու վատ, այնուամենայնիվ Հայաստանից լավ է: Չգիտեմ՝ ինչով է պայմանավորված հայերի հանդեպ խտրական վերաբերմունը, բայց մնացած բոլոր ազգերի նկատմամբ կարծես լավ են, իսկ հայերի՝ ոչ: Դժվար է, հիմա մեր հեռավոր բարեկամի տանն եմ ապրում, ցերեկը մի քանի ժամ 3 տարեկան հայ ընտանքի երեխա եմ խնամում, իմ մինիմալ ծախսերը կարողանում եմ հոգալ, սակայն այստեղ ամրապնդվելու մի փոքր ավել գումար աշխատելու եւ ընտանիքիս օգնելու համար դիմանում եմ, հուսով եմ լավ կլինի»,- պատմել է նա:
Կարդացեք նաև
Հոդվածն ամբողջությամբ` սկզբնաղբյուր կայքում
