Գյումրու պետական մանկավարժական ինստիտուտի ռեկտոր Վարդեւան Գրիգորյանը «Ասպարեզի» հետ զրույցում ասել է, որ բուհում մոտ 300 ուսանող 140 միլիոն դրամի վարձավճարների պարտքեր ունի, սակայն իրենք երբեք ուսանողին վարձավճարը չմուծելու պատճառով չեն հեռացնում բուհից, քանի որ նրանք եւս կարող են համալրել արտագաղթողների շարքը:
«Ոչ միայն ես, այլեւ մեր ամբողջ կոլեկտիվը գիտակցում է, որ աղքատության ցուցանիշով Շիրակի մարզն ամենաբարձր է հանրապետությունում: Ուսանողների թիվը կրճատվել է, ընդամենը 45 տոկոսով ենք կատարել պլանը: Բուհում նաեւ մասնակի կրճատումներ են եղել, քանի որ անհնար է սուղ միջոցներով ինստիտուտի բնականոն գործունեությունն ապահովել: Բոլոր մասնագիտությունների գծով վարձավճարները 50000 դրամով բարձրացել են առկա, 40000 դրամով՝ հեռակա բաժնում: Առկա համակարգում մոտ 670 տեղերի դիմաց ընդունել ենք 320 ուսանող: Հեռակա բաժնում չեմ կարծում, որ լուրջ ընդելություն կլինի: Բուհը ֆինանսական ծանր վիճակում է գտնվում եւ եթե ամբողջ ունեցած գումարները նպատակաուղղենք դասախոսների աշխատավարձերի բարձրացմանը, ապա բուհի զարգացման մասին խոսելն ավելորդ է դառնում»,- ասել էբուհի ռեկտորը:
Հոդվածն ամբողջությամբ` սկզբնաղբյուր կայքում
