«Լեվանդա ցենտր» վերլուծական կենտրոնը Ռուսաստանում հարցում է անցկացրել «Ինչպիսի՞ն կլինի Ռուսաստանը 50 տարի անց» հարցով: Հարցմանը մասնակցել է 45 շրջանի 130 բնակավայրի 18 տարին լրացած 1600 քաղաքացի: Նույն հարցով հետազոտություն արվել է նաեւ 1994-ին, 2000-ին, 2008-ին եւ 2012-ին:
Ըստ հարցման, եթե 1994 թվականին 24 տոկոսն էր կարծում, որ Ռուսաստանը 2063-ին կդառնա Արեւմտյան երկիր, ապա 2013-ին 15 տոկոսն է այդ կարծիքին: 1994 թվականին հարցվածների 4 տոկոսն ասել է, որ Ռուսաստանը կզարգանա Ասիայի երկրների նման, հիմա այդ կարծիքին է 11 տոկոսը: 10 տարի առաջ հարցվածների 5 տոկոսն ասել է, որ Ռուսաստանին կործանում է սպասում, հիմա այդ կարծիքին է 9 տոկոսը:
