Azatutyun.am. Միացյալ ազգերի կազմակերպության տեսուչները, ովքեր հետաքննում էին Դամասկոսի մերձակայքում քիմիական զենքի կիրառման մասին պնդումները, հեռացել են Սիրիայից:
Ուրբաթ օրը ԱՄՆ նախագահ Բարաք Օբաման հայտարարել է, որ դեռ վերջնական որոշում չի կայացրել հնարավոր ամերիկյան հարձակման մասին: Միացյալ Նահանգների հետախուզական գործակալությունների պատրաստած զեկույցում ասվում է, որ օգոստոսի 21-ին Դամասկոսի մերձակայքում 1,429 մարդու մահվան պատճառ դարձած թունավոր գազը «ամենայն հավանականությամբ» կիրառվել է Սիրիայի նախագահ Բաշար ալ-Ասադին հավատարիմ մնացած կառավարական զորքերի կողմից: Սիրիայի իշխանությունները «ստահոդ» են որակել ամերիկյան հետախուզական զեկույցը:
ՄԱԿ-ի տեսուչները Սիրիայից Լիբանան են գնացել շաբաթ առավոտյան: Առայժմ հայտնի չէ, թե տեսուչները երբ կհրապարակեն իրենց հետաքննության մասին զեկույցը:
Կարդացեք նաև
Մանրամասները կարող եք կարդալ`«Ազատություն» ռադիոկայանի կայքում
